اوتگن بیر ییلده طبیعی واقعه‌لردن زیان کورگن لغمان یشاوچیلریدن قطاری، حکومت و یاردم بیرووچی نهادلردن اویلری نینگ قیته قوریلیشینی ایسته‌گنلر.
مذکور یشاوچیلر نینگ سلام‌وطندار گه ایتیشلریچه، قیش موسومی ییتیب کیلیشی بیلن، سوو تاشقینلری نتیجه‌سیده بوزیلگن اویلری حاضرگچه اوشه حالت گه قالگن.
بیزلرنینگ فیسبوک صحیفه‌میزگه باش اورینگ!
سوو تاشقینلری یوز بیرگنی نتیجه‌سیده بیش آی آلدین اویی بوزیلگن لغمان مرکزی مهترلام شهری یشاوچیسی رحیم‌الله، حکومت‌دن عایله‌سی گه اوی قوریلیشی نی ایسته‌گن.
اونینگ ایتیشیچه: «کمبغل و بی‌چاروه‌مین. حاضر اجاره‌ای بیر اوی‌ده حیات کیچیره‌من. حکومت و یاردم بیرووچی نهادلردن قیش موسومی ییتیب کیلمسدن آلدین بیزلر گه مناسب بیر اوی قوریشلرینی ایسته‌یمن.»
رحیم‌الله بیلن بیر منطقه‌ده حیات کیچیره‌دیگن و سوو تاشقینلر نتیجه‌سیده اویینی قولدن بیرگن صفی‌الله، حکومت‌دن بو قیین‌چیلیک نی دایمی شکلده حل بولیشی اوچون سوو تاشقینلر یوز بیره‌دیگن یوللرگه سوو توغانلری قوریلیشینی سوره‌گن.
اونگه کوره، سوو توغانلری قوریلیشی بیلن اهالی سوو تاشقینلر خوفی‌دن بیراز امان قاله‌دی.
شونده‌ی بیرحالده، لغمان طبیعی حادثه‌لر گه قرشی کوره‌ش ریاستی مسئوللری نینگ ایتیشلریچه، جاری ییل اوشبو ولایت‌ده یوز بیرگن سوو تاشقینلر نتیجه‌سیده، یوزلب عایله زیان کوریب و حاضر تورلی‌خیل قیینچیلیکلر بیلن روپه‌ره دیر.
لغمان طبیعی حادثه‌لر گه قرشی کوره‌ش باشلیغی خیرمحمد نینگ سلام‌وطندار گه ایتیشیچه، اوتگن بیر یریم ییلده بو ولایت مرکزی و بیش تومنی‌ده یوز بیرگن سوو تاشقینلر نتیجه‌سیده، یوزلب یشش اوی بوزیلگن.
بیزلرنینگ «ایکس» ترماغی ده هم تعقیب قیلینگ!
لغمان طبیعی حادثه‌لر گه قرشی کوره‌ش باشلیغی نینگ کوپه‌یتیریشیچه: «لغمان ده قریب ۱۳۰۰ اوی بوزیلگن که اولردن قطاری اهالی آرقه‌لی قیته قوریلگن و ۶۵۰ اوی ایسه حاضرگچه بوزیلگن شکلده قالگن و اهالی اولر نینگ قیته قوریش گه کوچی ییتیشمه‌یدی. ریاست بو قیین‌چیلیک نی همکار موسسه‌لر یاردمی بیلن حل قیلیش اوچون سعی‌وحرکت قیلماقده.»
جاری ییلده تورلی ولایت‌لرده یوز بیرگن سوو تاشقینلر نتیجه‌سیده، یوزلب کیشی اولیب و یره‌لنگن و شونینگدیک مینگلرچه یشش اوی بوزیلگن.
