هلمند ولایتی واشیر،گرمسیر و موسی قلعه تومن‌لری اهالیسیدن بیرقطاری، بو تومن‌لرده طبی خذمت کورسه‌تیلمسلیگی باعث تورلی قیینچیلیک بیلن روپه‌ره بولگنلرینی اېته‌دیلر.
اولر مذکور تومن‌لرده طبی خذمت آزلیگی و یوللر بوزوق‌لیگینی اساسی قیینچیلیک‌لردن دیب ایتیشلریچه، اۉتگن ییل قیش موسومیده قیشلاق‌لریدن تورت کسل وفات اېتگن.
بو تومن‌لر نینگ اهالیسی مسئوللردن، هلمند ولایتیده ساغلیق مرکزلر قوریلیشی خصوصیده دقت قیلیش‌لرینی اېسته‌یدیلر.
بیزلرنینگ فیسبوک صحیفه‌میزگه باش اورینگ!
هلمند ولایتی موسی قلعه تومنی یشاوچیلری، ساغلیق قیینچیلیگی گه قۉشیمچه خصوصی کسلخانه‌لرده دوالش خره‌جتی یوقاری‌لیگیدن نالیدیلر.
اولر سرپرست حکومت مسئوللریدن، بو تومنده طبی خذمت کورسه‌تیش یانیده، خصوصی ساغلیق مرکزلر نینگ نظارت اېتیشینی سۉره‌یدیلر.
هلمند ساغلیق‌نی سقلش باشلیغی سیداحمد سید، بو ولایت نینگ بیرقطار تومن‌لری اهالیسی نینگ ساغلیق بوییچه قیینچیلیک‌لرینی تصدیق لسه‌ده؛ بیراق بو قیینچیلیک نی حل قیلیش مقصدیده سعی-حرکت قیله‌یاتگن‌لریدن ایشانچ بیلدیره‌دی.
بیزلرنینگ «ایکس» ترماغی ده هم تعقیب قیلینگ!
اونگه کوره، هلمند ولایتی نینگ نفوسی گه قره‌گنده بو ولایتده ساغلیق مرکزلر سانی آز دیر؛ بیراق بیرقطار ساغلیق مرکزلر فعال، خذمت‌لرینی کېنگه‌یتیریش‌لری کېره‌ک.
هلمند ساغلیق‌نی سقلش ریاستی نینگ معلوماتی اساسیده، حاضرگی کونده اوشبو ولایت مرکزی و تومن‌لریده ۲۳۲ ساغلیق مرکز فعال دیر ، ۲۴ ساعت ایچیده بو کسلخانه‌لر گه ۱۲ مینگ کیشی مراجعت قیله‌دی.
