دولتی کسل‌خانه‌لرده‌گی داکتر‌لردن قطاری نینگ ایتیش‌لریچه، عیال داکتر کم‌لیگی، ایریم قیینچیلیکلر گه سبب بولگن.
وزیر محمداکبرخان کسل‌خانه‌سیده‌گی داخله کسل‌لیک‌لر متخصصی سید‌فرید نینگ ایتیشیچه، کسل‌خانه‌لرده عیال داکترلر کم‌لیگی، کسل عیال‌لر اینیقسه حامله عیال‌لر نینگ درست شکلده معاینه بولمه‌یشی گه سبب بوله‌دی. اونینگ کوپه‌یتیریشیچه: «ارتوپیدی و داخله بولیمی‌ده، یالغیز بیر عیال داکتری‌میز بار؛ شونینگدیک جراحی بولیمی‌ده هم نیچه داکتری‌میز بار. بوندن آلدین هم عیال داکتر کم ایدی و چیکلاو‌لر یره‌تیلگنی‌دن کیین، عیال داکترلر سانی کوپینچه شکلده کمه‌یگن. طبیات فعالیتی گه رخصت بیریلیش سیناوی هم آلینمه‌دی، انه شوو سبب، ینگی داکترلر نی جذب قیلینیشی هم ممکن ایمس.»
بیزلرنینگ فیسبوک صحیفه‌میزگه باش اورینگ!
افغانستان نسایی ولادی شفاکارلر انجمنی باشلیغی نجم‌السماء شفاجو نینگ ایتیشیچه، مملکت‌ده عیال داکترلر کم‌لیگی، حامله عیال‌لر نینگ اولیمی گه سبب بولگن یگانه عامل دیر.
اونینگ کوپه‌یتیریشیچه: «نسایی ولادی داکترلر آز دیر؛ چونکه اولردن کوپینچه‌سی مملکت‌دن کیتگنلر و اولر نینگ اورنیگه باشقه داکترلر نینگ کیلیشی کیره‌ک. شونینگدیک اگزیت سیناوی نی هم آلمه‌دیلر.»
شونده‌ی بیرحالده، خانم شفاجو گه کوره، عیال‌لر داکترلر کم‌لیگی دوام تاپگنی صورت‌ده، آنه‌لر اولیمی آماری کوپه‌یشی ممکن.
عین حالده، طبیات بولیمی‌ده‌گی طلبه قیزلردن قطاری، طبیات فعالیتی گه رخصت بیریلیش سیناوی نی کوتیب تورگنلر.
کابل نینگ بیلیم یورتلریدن بیری‌ده طبیات بولیمی نی یکونلنتیرگن جمیله نینگ ایتیشیچه: «افغانستان دن سیناو آلینیشی و داکترلر اوز مملکتی‌میزدن بولیشی کیره‌ک؛ خارج‌دن کیله‌دیگن داکترلر یانی گه باریش اوچون افغانستان ده‌گی کسل‌لر کوچی ییتیشمه‌یدی. داکترلر نینگ منطقه و محله‌لریده بولگنی پیتده، راحت بیر شکلده قیینچیلیکلری نی حل قیلیش‌لری ممکن.»
طبیات بولیمی طلبه‌لریدن نیلوفر نینگ ایتیشیچه، افغانستان ده‌گی قیز طلبه‌لر استعداد‌لریدن قوللنیشی کیره‌ک و اولر اوچون زمینه یره‌تیلیشی کیره‌ک که، بو رقم عیال‌لر گه ایش زمینه‌سی یره‌تیلیب و اوز مملکت‌لریده قالسین‌لر.
بیزلرنینگ توییترده هم تعقیب قیلینگ!
بو توغریده ساغلیق نی سقلش وزیرلیگی فکری نی آلیش ایسته‌دیک؛ بیراق اوشبو وزیرلیک مسئوللری کیت‌مه-کیت قونقیراغ‌لریمیز گه جواب قیته‌رمه‌دیلر.
شونده‌ی بیرحالده، افغانستان طبی کینگش مسئوللری نینگ ایتیش‌لریچه، طبیات بولیمی‌ده قریب اوچ مینگ قیز طلبه، طبیات فعالیتی گه رخصت بیریلیش سیناوی نی کوتیب تورگن؛ بیراق حاضرگچه ساغلیق نی سقلش وزیرلیگی آرقه‌لی، اوشبو کینگش گه سیناو آلینیش خصوصیده رخصت بیریلمه‌گن.
