بلخ ده کوره‌ش بولیمی سپورتچیلریدن قطاری نینگ ایتیشلریچه، خارج ده یولگه قوییله‌دیگن بیلشوولر گه شرکت قیلیش اوچون «ایکی-اوچ مینگ دالر» توله‌یشلری کیره‌ک.
اولر نینگ کوپه‌یتیریشلریچه، بلخ ده کوره‌ش بولیمی سپورتچیلری گه ویزه صادر قیلیش و سفر خره‌جتی خصوصیده، سرپرست حکومت تامانیدن هیچ قنده‌ی حمایتلی بیر برنامه یوق دیر.
بیزلرنینگ توییترده هم تعقیب قیلینگ!
افغانستان کوره‌ش ملی تیرمه جماعه عضوی عباس عباسی نینگ سلام‌وطندار گه ایتیشیچه: «کوپینچه زحمت‌لر بیلن سپورت قیله‌میز؛ بیراق پولی‌میز یوقلیگی سبب، خارج ده یولگه قوییله‌دیگن بیلشوولر گه شرکت قیله آلمه‌‌یمیز. ویزه، کیتیب-کیلیش و ییگولیک ماده‌لر خره‌جتی نی توله‌یشیمیز کیره‌ک.»
اقتصادی قیین‌چیلیک، سپورت وسیله‌لری نینگ کم‌لیگی و تمرین اوچون درست بیر ییر یوقلیگی، بلخ ده کوره‌ش بولیمی سپورتچیلری نینگ باشقه قیین‌چیلیک‌لریدن حساب‌لنه‌دی.
بلخ سپورت و جسمانی تربیه بولیمی ریاستی نینگ ملی سپورت‌لر مسئولی محمد‌آصف عالمی، اوشبو ولایت‌ده کوره‌ش بولیمی سپورتچیلری قیین‌چیلیک‌لری نی تصدیق‌لب ایتیشیچه، بیر ییل‌دن بویان، اولر گه اختصاص بیریلگن امتیازلر اولر گه توللنمه‌گن.
شونده‌ی بیرحالده، اوتگن جمعه کونی، ۲۳-سرطان، بلخ مرکزی مزارشریف شهری‌ده مذکور سپورت بولیمی‌ده تنلنگن جماعه آره‌سیدن اینگ یخشی سپورت‌چیلر نی تنلش اوچون، کوره‌ش بولیمی بیلشوولری نینگ تورتینچی دوری یولگه قوییلگن.
بیزلرنینگ فیسبوک صحیفه‌میزگه باش اورینگ!
بیلشوولر نینگ اوشبو دوری‌ده، قریب ۱۰۰ سپورتچی بلخ مرکزی مزارشریف و تومن‌لردن شرکت قیلگنلر.
ایتیش کیره‌ک که، تنلنگن سپورت‌چیلر، کیله‌سی ایکی آی‌گچه ملی تیرمه جماعه‌سی بیلشوولریده بیر بیرلری بیلن رقابت قیله‌دیلر.