سرپرست حکومت کانلر و پترولیم وزیرلیگی رهبریتی، بوگون (۱۰-دلو، سه‌شنبه کونی)، آمو دریا حوزه‌سی نفتی دن قازیب چیقریلگن ۶۰ مینگ تُن تیل نی ساتیش قراردادینی ایچکی بیر شرکت بیلن امضاله‌گن.
بو وزیرلیک مسئولری نینگ ایتیشلریچه، بو قرارداد قیمتی ۲۵.۵ میلیون دالر دیر و ۶۰ مینگ تُن تیل پروسس بولیش مقصدیده ساتیلگن. بو وزیرلیک مسئوللری اوشبو قرارداد شفاف‌لیگیدن ایشانچ بیره‌دیلر.
بیزلرنینگ فیسبوک صحیفه‌میزگه باش اورینگ!
کانلر و پترولیم وزیرلیگی سرپرستی شهاب‌الدین دلاور، تیل نی ساتیش قراردادنی امضالش مناسبتی بیلن یولگه قوییلگن احتفال ده ایتیشیچه، مملکت نفت حوزه‌لریدن نفت قازیب چیقریش اوچون تلاش قیلماقده‌لر.
او نینگ کوپه‌یتیریشیچه: «تیل و گاز ۱۱ بلاک‌لری بولگن ۲۳ مینگ کیلومتر مربع‌لیک ساحه نی اعلان گه بیرگن‌میز، کوپ سانده ملی و خلق‌ارا شرکت‌لر مراجعت قیلگن، یقینده ایشلری باشلنیب و قرارداد گه تاپشیریله‌دی. هرات ده انشاءالله تیل و گازنی قازیب چیقریش یقینده باشلنه‌دی بیز بو قازیب چیقریش‌لر بیلن اوزیمیزنی تامینلشگه یقینلشه‌میز.»
بیزلرنینگ «ایکس» ترماغی ده هم تعقیب قیلینگ!
ایتیش کیره‌ک، آمو دریا نفت حوزه‌سی مملکت نینگ بویوک نفت حوزه‌لریدن سنله‌دی و کوپ قسمی سرپل ولایتیده ییرلشگن. حاضرگی کونده چین‌لیک بیر شرکت تامانیدن سرپل ده کمیده اون قودوق دن نفت قازیب چیقریلماقده.
