جمعی خوفسیزلیک کیلیشوو تشکیلاتی نینگ اعضا مملکت‌لر رسمی‌لری، قوشمه بیر اعلامیه ترقه‌تیش بیلن افغانستان دن اورته آسیا مملکت‌لری گه مخدره ماده قاچاقی دوام قیله‌یاتگنی‌دن خواطر بیلدیرگنلر.
اوشبو تشکیلات نینگ اعضا مملکت‌لر رسمی‌لری ییغینی، اوتگن کون (جمعه، ۳-قوس)، بلاروس پایتختی مینسک شهری‌ده یولگه قوییلگن.
بیزلرنینگ «ایکس» ترماغی ده هم تعقیب قیلینگ!
روسیه تشقی ایشلر وزیرلیگی وبسایتی‌ده ترقه‌تیلگن اعلامیه‌ده کیلیشیچه: «افغانستان دن مخدره ماده؛ متامفتامین، کوکائین، حشیش و باشقه صنعتی مخدره ماده‌لر قاچاقی بیلن تیگیشلی قیین‌چیلیک‌لری برابریده خواطر بیلدیره‌میز.»
اوشبو ییغین‌ده، روسیه، بلاروس، قزاقستان، قرقیزستان، تاجیکستان، اوزبیکستان و جمعی خوفسیزلیک کیلیشوو تشکیلاتی گه اعضا مملکت‌لر رسمی‌لری، دنیا بویلیب مخدره ماده گه قرشی کوره‌ش خصوصیده قوشمه همکارلیک‌لر کوچه‌یشی اوچون اورغولگنلر.
شونده‌ی بیرحالده، ایچکی ایشلر وزیرلیگی سوزلاوچی اورین‌باسری بسم‌الله حبیب، افغانستان دن مخدره ماده ایکیلیشی و قاچاقی اورته‌دن کیتیشی گه تاکید‌‌لب ایتیشیچه، باشقه مملکت‌لر هم افغانستان ده مخدره ماده ایکین‌زارلری نینگ کوزگه کورینه‌رلی درجه‌ده کمه‌یگنی نی تصدیق قیلگنلر.
اونینگ کوپه‌یتیریشیچه: «مخدره ماده گه قرشی کوره‌ش خصوصیده جدی‌میز و باشقه مملکت‌لر گه افغانستان دن مخدره ماده قاچاقی خصوصیده هیچ قنده‌ی تهدید بولمه‌یدی.»
باشقه بیر تامان‌دن، سیاسی مسئله‌لر تحلیل‌چیلریدن قطاری نینگ ایتیشلریچه، افغانستان دن مخدره ماده قاچاقی اوچون اورته آسیا مملکت‌لری نینگ خواطرلری، حقیقت‌دن اوزاق و سیاسی مقصد گه تیگیشلی دیر.
بیزلرنینگ فیسبوک صحیفه‌میزگه باش اورینگ!
سیاسی تحلیل‌چیلردن یوسف امین‌زازی نینگ ایتیشیچه: «منطقه و دنیا تامانیدن افغانستان نینگ عیب‌لنیشی، کوپراق سیاسی مقصد‌لر نی کوزله‌یدی و حقیقت‌لر اساسیده ایمس.»
ایتیش کیره‌ک که، بوندن آلدین تاجیکستان جمهور باشلیغی امام‌علی رحمان، بیرلشگن ملت‌لر تشکیلاتی نینگ ۷۸-عمومی مجمع ییغینی‌ده، تاجیکستان اوتگن ایکی ییل‌ده افغانستان بیلن بولگن چیگره‌سیده ۱۰ تُن‌دن آرتیق مخدره ماده نی کشف و ضبط قیلگنلری نی ایتگن ایدی.
