کابل شهری ده‌گی تیلنچی‌لردن قطاری، ایش‌سیزلیک و اقتصادی قیینچیلیک دن نالیب ایتیشلریچه، بایومتریک بولسه‌لرده لیکن حاضرگچه اولر گه یاردم بیریلمه‌گن.
کابل شهری ده چقه‌لاغی قوینیده بولیب و باشقه‌لردن تیلنچی‌لیک قیله‌دیگن سمیرا نینگ ایتیشیچه، قشاق‌لیک و فرزندلری آچ قالمسلیگی اوچون، تیلنچی‌لیک قیلیش گه مجبور دیر.
اونینگ سلام‌وطندار گه ایتیشیچه: «۱۵ ییل دن بیری مجبورلیک دن تیلنچی‌لیک قیله‌من. مجبور بولمه‌سک هیچ کیم ساووق هوا ده چقه‌لاغی بیلن چیقمه‌یدی؛ اوی ده بولسک فرزندلریمیز نینگ احتیاج‌لرنی کیم تأمینله‌یدی.»
بیزلرنینگ فیسبوک صحیفه‌میزگه باش اورینگ!
سمیرا گه کوره، نیچه مراتبه ثبت نام قیلیش اوچون کابل شهری بادام‌باغی گه آلیب باریلیب و بایومتریک بولگن؛ لیکن حاضرگچه اولر گه یاردم بیریلمه‌گن.
اونگه کوره: «بیر آی دن کیین یاردم بیریش‌لرینی ایتدیلر لیکن حاضرگچه یاردم بیریشمه‌گن. حاضرگچه بیر روپیه هم بیریشگنی یوق، یالغان ایتیشه‌دی، بیزگه یاردم بیرسه‌لرتیلنچی‌لیک قیلمه‌ی‌میز.»
کابل شهری ده ۱۳-۱۴ یاشی ده بولگن تواب اسملی تیلنچی باله نینگ ایتیشیچه، پیاده‌رولیک و گل ساتووچیلیک بهانه‌سیده باشقه‌لردن یاشیرینچ شکلده تیلنچی‌لیک قیله‌دی، چونکه یالغیز گل ساتووچیلیک بیلن عایله اعضالری نینگ احتیاج‌لرینی تأمینله‌ی آلمه‌یدی.
اونینگ ایتیشیچه: «پلاستیک ساتر ایدیم، قویمه‌دیلر آلیب باریب ثبت نام و برماق‌لریمنی عکسینی آلدیلر، اوی آدرسینی هم آلدیلر بیراق حاضرگچه یاردم بیریشگنی یوق.»
ایش و اجتماعی ایشلر وزیرلیگی نینگ ایتیشیچه، کابل شهری دن عیاللر و باله‌لر شامل ۲۶ مینگ دن آرتیق تیلنچی ییغیلیب و بایومتریک قیلینگن.
بیزلرنینگ توییترده هم تعقیب قیلینگ!
مذکور وزیرلیک سوزلاوچیسی یونس صدیقی گه کوره: «قشاق‌لیک باعث تیلنچی‌لیک قیله‌دیگنلر ثبت نام و بایومتریک بولیشگن، ایکی مینگ باله قیزیل آی گه تانیشتیریلگن، اولر گه یاردم بیریله‌دی و سرپرست باله‌لر، باله‌لر اوی ده درس اوقیدیلر.»
عین‌حالده، افغان قیزیل آی جمعیتی نینگ ایتیشیچه، حاضرگچه ۴۰۰ دن آرتیق عایله گه نقدی یاردم کورسه‌تیلگن، ایش و اجتماعی ایشلر وزیرلیگی تامانیدن اوچ مینگ ۵۰۰ عایله اوشبو اداره گه تانیشتیریلگن، کیم‌لیکلری انیقله‌نیشیدن کیین اولرگه یاردم بیریله‌دی.
قیزیل آی جمعیتی سوزلاوچیسی عرفان‌الله شرف‌زوی نینگ ایتیشیچه: «اولرنی تیکشیره‌میز، شرایطی‌میز بار و شرایط دن کیین اولر نینگ کیم‌لیگی انیقلنه‌دی، هر بیر کیشی گه ۲ مینگ افغانی بیره‌میز، بیر عایله گه ۸ کیشی بولسه ۱۶ مینگ افغانی بیره‌میز.»
اوتگن بیر یریم ییل ده، اولکه یشاوچیلریدن قطاری بیر لقمه نان تاپیش اوچون، تورلی بهانه‌لر بیلن باشقه‌لردن تیلنچی‌لیک قیلیش گه مجبور بولگنلر.