بویره‌ک تاشی کسل‌لیگی، بویره‌ک کسل‌لیکلری‌نینگ اینگ کینگ ترقه‌لگن تورلریدن بولیب و عیاللر آره‌سیده کوپه‌یماقده دیر. کابل ده اورولوژی بولیمی شفاکارلری‌نینگ ایتیشلریچه، هورمون اوزگریشلری، ناتوغری آوقت‌لنیش، ییترلیچه سوویق‌‌لیکلردن فایده‌لنمسلیک و روحی قیین‌چیلیکلر، عیاللرنینگ کوپراق بو کسل‌لیککه چلینیشی‌گه سبب بوله‌دی.
بو توغریده اورولوژی بولیمی شفاکاری حمید‌گل عطایی‌نینگ ایتیشیچه: «بویره‌ک تاشی کسل‌لیگی، جدی شکلده آغیریغی بار که بعضا کسل‌نینگ وضعیتی‌ده جوده‌یم یامان‌لشتیره‌دی. بویره‌ک و بویره‌ک‌ده تاشی کسل‌لیگی، کوپراق عیاللر آره‌سیده بار که هورمون اوزگریشلری، تشویش، افسرده‌لیک و حتا اجتماعی قیین‌چیلیکلر عیاللرده بویره‌ک تاشی کسل‌لیگی‌گه سبب بوله‌دی.»
شفاکارلرنینگ کوپه‌یتیریشلریچه، ساغلیق خذمتلردن فایده‌لنه آلمسلیک و صفت‌سیز دارولردن قوللنیش هم عامللردن باشقه بیری دیر که عیاللرده بویره‌ک تاشی کسل‌لیگی کوپه‌یشی گه سبب بوله‌دی. شفاکارلردن باشقه بیری سیدتوفیق هاشمی‌نینگ سلام‌وطندار‌گه ایتیشیچه، آغریق‌نینگ دوالنیشی اوچون ییترلیچه اثری بولمه‌گن دارولر و عیاللرنینگ ییترلی شکلده فعالیتی بولمه‌گنی هم تن‌ده بویره‌ک تاشی کسل‌لیگی اورته‌گه کیلیشی‌گه سبب بوله‌دی.
بیزلرنینگ «ایکس» ترماغی ده هم تعقیب قیلینگ!
مذکور شفاکار‌نینگ کوپه‌یتیریشیچه: «میکروب‌لر بویره‌ک تاشی اورته‌گه کیلیشی‌گه سبب بوله‌دی. ستارگیت اسملی بیر تاش بار که بو تاش مکروبی جای‌ده رشد قیله‌دی کسل‌‌گه تاپیله‌دی و بونینگ بیر خاصیتی بار که یوریا نی امونیا گه تبدیل قیله‌دی؛ امونیا گه تبدیل بولگنی‌ده اسیدی محیط قلوی‌گه اوزگره‌دی و او پیتده تاش گه تبدیل بوله‌دی و شونینگدیک انتی‌بیوتیک بیلن دوالنه‌دیگن کیشی‌لرده هم تاش تشکیل بوله‌دی.»
شونده‌ی بیرحالده، کابل ده جمهوریت کسل‌خانه‌سیده‌گی شفاکار عبدالرشاد احمدزی، بویره‌ک تاشی کسللیگینینگ عیاللر آره‌سیده کوپه‌یگنی نی تصدیق‌لب سلام‌وطندار گه ایتیشیچه: «توپلم شکلده ۲۸ یاتاقی‌میز بار که ۲۰ ته‌سی ایرککلر و سکیز‌ته‌سی عیاللر گه دیر. بو ییرگه جوده‌یم کوپ عیال مراجعت قیله‌دی و یاتاق‌لریمیز اولر اوچون آز دیر و ۱۰۰دن آرتیق عیال یاتاق‌لرنینگ بوش بولیشی و دوالنیش‌نی کوتیب تورگن. شونینگدیک عاجل بولگن کسل‌لر هم یاتاق‌لرنینگ بوش بولیشینی کوتیب توریش‌گه مجبور دیر.»
جمهوریت کسل‌خانه‌سیگه دوالنیش اوچون مراجعت قیلگن غزنی یشاوچیسی بولمیش ۴۵ یاشر زینب‌نینگ ایتیشیچه، بیش ییل‌دن بویان بویره‌ک تاشی کسل‌لیگی‌گه چلینگن و شفاکارلر، کیفیت‌سیز دارولردن فایده‌لنیش کسللیگینینگ کوپه‌یشی گه سبب بولگن دیگن.
اونینگ کوپه‌یتیریشیچه: «شفاکار و درست دارو او ییرده یوق. دارو باش‌ده آغریغیم‌نی کمه‌یتیره‌ر ایدی؛ بیراق کیین ایسه هیچ تاثیر قیلمه‌دی. دارو صفت‌سیز ایکن و آغریغیم‌نی کوپه‌یتیردی. یوره‌گیم بوزیله‌ر ایدی؛ ایسیتمه‌م بار ایدی و بویره‌گیم جوده‌یم کوپ آغریدی. کابل گه کیلدیم و معاینه‌لردن کیین شفاکارلر بویره‌گینگ‌ده‌گی تاش کته بولگن و عملیات بولیشینگ لازم دیدیلر. بیله‌من که خوفی بار؛ بیراق مجبور‌مین.»
پکتیا یشاوچیسی بولمیش ۵۰ یاشر مرجانه‌نینگ ایتیشیچه، ساغلیق خذمتلردن فایده‌لنه آلمسلیک سبب، بو کسل‌لیگی کوپه‌یگن. «بیلیم یانی یامان بیر شکلده آغریر ایدی. ایسیتمه‌م هم بار ایدی. گردیز ده نیچه مرته شفاکار گه باردیم، بویره‌گینگ‌ده بویوک تاشی بار، بو ییرده دوالنیش امکانیتینگ یوق و کابل گه باریب عملیات قیلدیریشینگ کیره‌ک دیدیلر.»
بیزلرنینگ فیسبوک صحیفه‌میزگه باش اورینگ!
باشقه بیر تاماندن، ننگرهار یشاوچیسی بولمیش ۲۲ یاشر مروره‌نینگ ایتیشیچه، مالی امکانیتی یوقلیگی سبب، کسل‌لیگی کوپه‌یب و حاضر جراحی عملیات قیلدیریش‌گه مجبور دیر.
اونگه کوره: «ایکی ییل‌دن بیری بویره‌ک تاشی کسل‌لیگی‌گه چلینگن‌مین؛ یاشیم اونچه کته بولمه‌گنی بیلن، فشارم نی بیحد یوقاری کیتگزه‌دی. فکرمچه بو کسل‌لیک آنه‌م‌دن ارثی شکلده مینگه کیلگن؛ اقتصادی‌میز هم یامان دیر؛ شفاکار گه باره آلمه‌یمن، چونکه کوپ پول آله‌دیلر و انه شوو اقتصادی قیین‌چیلیک اوچون کسل‌‌لیگیم کوپه‌یگن و حاضر ایسه دولتی کسل‌خانه گه کیلدیم و شفاکارلر عملیات بولیشینگ کیره‌ک دیه‌دیلر.»
بویره‌ک تاشی کسل‌لیگی، عیاللر آره‌سیده تورلی عامل‌لر جمله‌دن ناتوغری آوقت‌لنیش، ییترلی شکلده سوو ایچمسلیک و ساغلیق مراقبت‌لردن فایده‌لنیش‌نینگ آزلیگی سبب جدی بیر قیین‌چیلیککه اوزگرگن.
