بوگون (سه‌شنبه، ۱ حمل)، کابل شهری دارالامان قصری ده، ملی رادیو_تلویزیون و تسل_مدیا گروپ همکارلیگی بیلن «خدمات برتر ملی» بیرینچی بهاری کورگزمه‌سی عنوانیده آچیلیب و اوشبو کورگزمه اوچ کونگچه دوام تاپیشی کوتیله‌دی.
مذکور کورگزمه ده، ملی رادیو_تلویزیون باشلیغی احمدالله وثیق نینگ ایتیشیچه: «اوشبو کورگزمه ده، مملکت ترقیاتی اوچون بولگن فکرلر کورگزمه گه قوییله‌دی بیز خوش قرشی له‌یمیز، بو کورگزمه اقتصادی نقطه‌ی نظر دن، یشاوچیلر نینگ یوتوق‌لرینی کورسته‌دی.»
بیزلرنینگ فیسبوک صحیفه‌میزگه باش اورینگ!
اوشبو کورگزمه ده اشتراک ایتگن اسلام امیرلیگی رسمی‌لریدن قطاری، جاری ییل ده خصوصی سکتوردن برچه تامانلمه حمایت ایتیش‌لریدن ایشانچ بیلدیریب، افغانستان نینگ اوزینی اوزی تأمینلش و ایچکی تولیدلر ترقیاتی اوچون بو کبی کورگزمه‌لرنی مهم عنوان قیلگنلر.
اسلام امیرلیگی سوزلاوچیسی نینگ اورین باسرلریدن بلال کریمی گه کوره، مذکور کورگزمه افغانستان نینگ اقتصادی ترقیاتیدن دلالت بیره‌دی.
او نینگ کوپه‌یتیریشیچه: «اوشبو کورگزمه عالی ابتکار دن نماینده‌لیک قیله‌دی و افغانستان و افغان‌لر تحرک ده ایکن‌لیکلرینی کورسته‌دی. اسلام امیرلیگی خصوصی سکتوردن برچه تامانلمه حمایت ایته‌دی، چونکه خصوصی سکتور بیر دولت نینگ اوزینی اوزی تأمینلش و آبادانچیلیگیگه سبب بوله‌دی.»
اقتصاد وزیرلیگی نینگ مسلکی معینی عبدالطیف نظری گه کوره، ایرکین سیاست اوچون مستقل اقتصاد اساسی نیاز دیر.
اونینگ ایشانچی گه کوره: «ایشلب چیقریش ساحه‌لریده فعالیتی بولگن بو گَل کورگزمه‌لر قوللب_قوتله‌نیشی، خودکفالیک و مستقل سیاست اوچون اقتصاد مهم دیر.»
مذکور کورگزمه ده غرفه ایگه‌لریدن بیرقطاری نینگ ایشانچی گه کوره، بوکبی کورگزمه‌لر مشتری جذب ایتیلیشی و ایچکی تولیدلردن قوللـه‌نووچیلر نینگ ترغیب ایتیش گه سبب بوله‌دی.
بیزلرنینگ توییترده هم تعقیب قیلینگ!
اوشبو کورگزمه ده غرفه ایگه‌لریدن پرویز نینگ ایتیشیچه: «مملکت ده ایشلب چیقریله‌دیگن وطنی محصولیمیز بار، صناعتی دیر ساووق سوونی تورت ساعت ایچیده قویاش نوری دن نورمال حالت ده ایسیته‌دی، اوز یوتوق‌لریمیزدن دیر.»
ایتیش کیره‌ک که، اوتگن ییلی ایچکی تولیدلر و دهقانچیلیک محصولات‌لرنی قوللب_قوتلش مقصدیده کابل و باشقه قطار ولایت‌لرده کوپ کورگزمه‌لر یولگه قوییلگن ایدی.