کابل، برچه چیرایلیگی بیلن اوزی‌گه کوپینچه غمگین‌لیکلرنی جایلشتیرگن. گوجوم‌لیک بلین توله سرک‌لریده باله‌لر یاشلری کیچیک بولگنی بیلن، بیراق بویینلریده‌گی یوک‌نی تاشیش اوچون سعی‌وحرکت قیله‌دیلر. اوشبو باله‌لر کمبغل‌لیک سبب، باله‌لرگه مخصوص ساده دنیا‌سیدن ایریلیب و جبری شکلده عایله سرپرستی اورینی‌گه قرار تاپگنلر.
علی مذکور باله‌لردن بیری دیر؛ جسور و یره‌مس‌لیک-بو کابل سرک‌لریده ایشچی باله‌دن طلب قیله‌دیگن نرسه.
ایکی سینگیل و اوچ ایناغه‌سی بولگن علی‌نینگ ایتیشیچه، عایله نیازلریدن برچه‌سینی تامین‌لش گه آته‌سی‌نینگ کوچسیزلیگی، اونینگ حیاتی‌دن بیر بولیمی‌نی سپند قوطی‌سی بیلن کابل‌نینگ پل‌سرخ سرک‌لریده دود قیلیب یوریشی‌گه سبب بولگن. «ایکی سینگلیم و اوچ ایناغه‌م بار. آته‌م پنچرمین. خداوند مهربان دیر. کونده ۵۰-۱۰۰ افغانی بوله‌دی.»
بیزلرنینگ فیسبوک صحیفه‌میزگه باش اورینگ!
ایشچی باله‌لر حکایه‌لری بیر-بیری‌دن غمگین‌راق و اچیق‌راق دیر. کابل سرک‌لریده سپند قیلیش بیلن نیچه افغانی قولگه کیلتیره‌دیگن علی‌نینگ دوست‌لریدن بیری بولمیش بریالی بیلن بیراز گپلشدیم.
۱۰ یاشر بولگنی نی ایته‌دیگن بریالی، آته‌سی‌نینگ اولگنی سبب عایله نیازلرینی تامین‌لش گه مجبور دیر. «تورت ایناغه‌میز. آلتی سینگلیم بار و آنه‌م. آته‌م اولگن. اوی‌گه کوپ قیین‌چیلیگیمیز بار. سپند قیلیش بیلن کونده ۵۰-۷۰ افغانی ایشله‌یمن. بیر کون ایشلمسم هم بولمه‌یدی.»
کابل‌نینگ باشقه بیر چیککه‌سیده، دشت‌برچی سرک‌لریدن بیری‌ده ۹ یاشر بیر باله بیلن روپه‌ره بولدیم که، آغزی‌نینگ حرارتی بیلن قوللری‌نی ایسیتیش اوچون تلاش قیلماقده.
اسمی‌نی علی حسین دیگن بو باله، بیر ترازونی یانیگه قوییب اوتیب قیته‌دیگن کیشیلرنی وزن قیلیش بیلن شانه‌لریده‌گی حیات وزنی‌دن بیر قسمتی‌نی کمه‌یتیریش ایسته‌یدی. «آته جانم ناگران دیر. مین ایشله‌یمن. اوچ سینگیل و ایناغه‌م بار.»
کابل شهری‌نینگ آلتینچی ناحیه‌سیده‌‌گی کوچه‌لردن بیری‌ده اوزی‌نینگ باله‌لیک دنیا‌سیدن اوزاق‌لشیب و بویوک‌لر دنیا‌‌سی‌گه کیرگن ۱۳ یاشر احمد، کراچی‌ده‌گی لوداسپیکر بیلن باشقه باله‌لرگه آیسکریم کیلگنی‌نینگ خبر بیره‌دی.
احمد‌دن عایله و حیایتی حقیده سوره‌گنیم‌ده: «آیسکریم ساته‌من. آته‌م کسل دیر. مینی ایشلماغیم کیره‌ک. قرض‌دارمیز.»
بو قصه‌لر، سرک‌ده‌گی ایشچی باله‌لر حیاتی‌‌نینگ اچیق حقیقت‌لریدن یالغیز بیر بولیمی دیر. یشاوچیلردن کوپ قطاری‌نینگ کونلرینی قیین‌چیلیک بیلن روپه‌ره قیلگن کمبغل‌لیک، اوشبو باله‌لر خوش‌لیگی بولیمی‌نی اولردن آلگن.
افغانستان ده بالهلرنینگ ایشچیلیک قیلمسلیگی‌گه چیک قوییلیشی توغریسیده حاضرگچه آدیم‌لر هم آلینگن که بیرلشگن ملتلر تشکیلاتی باله‌لرنی قوللب-قوتلاوچی صندیغی‌نینگ علاقه‌لر بوییچه مدیری کیت الزابت پاند‌نینگ ایتیشیچه: «یونیسف و شریک‌لر حمایت‌لری بیلن اوشبو باله‌لرنی تعلیم سیستمی قیته‌ریش و اولرگه یخشی‌راق کیله‌جک فرصت‌لری یره‌تیلیشی اوچون ییچیم یوللرنی تاپیش توغریسیده سعی‌وحرکت قیله‌دیلر.»
گرچند افغانستان ده ایشچی باله‌لر سانی خصوصیده حاضرگچه دقیق رقم ارائه بولمه‌گن، بیراق یونیسف، افغانستان سرک‌لریده ۱۵ مینگ ۷۰۰ ایشچی باله‌نی ثبت قیلگن که اولردن ۲۰ مینگ ته‌سی اوغیل باله‌لر دیر.
بیزلرنینگ «ایکس» ترماغی ده هم تعقیب قیلینگ!
گزارشلر اساسیده، مذکور باله‌لردن کوپینچه‌سی کیت‌مه-کیت اوروشلر و اقتصادی بحران‌لر نتیجهسیده، نیچه افغانی قولگه کیلتیریش مقصد سرک‌لرگه چیقیب ایشلش گه مجبور بولگن.
افغانستان ده ایشچی باله‌لر اینیقسه سرک‌لرده ایشلش بیلن نان قولگه کیلتیره‌دیگن باله‌لر یخشی بیر وضعیت‌ده بولمه‌گنی بیرحالده، ایش و اجتماعی ایشلر وزیرلیگی سوزلاوچیسی سمیع‌الله ابراهیمی، ایشچی بالهلرنینگ قوللب-قوتلنیشی اوچون سرپرست حکومت برنامه‌لریگه تیگیشلی ایتیشیچه: «افغانستان دولتی ایشچی باله‌لردن حمایت قیلیش مقصد، ییتیم‌خانه‌لر و حمایتی مرکزلرنی آچگن. شونده‌ی بیرحالده، حاضرگچه انسان‌سیورلیک یاردم‌لر و خلق‌ارا همجمعیت‌نینگ حمایت‌لری‌گه نیازیمیز بار که اوشبو باله‌لر وضعیتینی یخشی‌راق قیله آلسه‌ک.»
سرکلرده‌گی ایشچی باله‌لر، افغانستان شهرلری‌نینگ غمگین سیمالری‌دن بیر بولیمی دیر که اوشبو سیمالر بالهلرنینگ تبسمی و خوش‌لیگی‌گه اَیلنه آلیشی ممکن و بو، کونده مذکور باله‌لر ذهنی‌ده بولگن آرزو دیر.
