کابل ده بوگون (۷-قوس، چهارشنبه)، افغان-جاپان و انتانی کسل‌خانه‌لریده یوقمه کسل‌لیک‌لرینی انیقلش ایکی مرکزلرنینگ قوریلیش ایشی باشلنگن.
سرپرست حکومت ساغلیق‌نی سقلش وزیرلیگی مسئوللری‌نینگ ایتیشلریچه، مذکور مرکز‌لر قاره و آق سریغ‌لمه، ایدز و کرونا کسل‌لیک‌لرینی انیقلش اوچون قوریله‌دی.
بیزلرنینگ «ایکس» ترماغی ده هم تعقیب قیلینگ!
ساغلیق‌نی سقلش وزیرلیگی سرپرستی نورجلال جلالی‌نینگ ایتیشیچه، اوشبو مرکزلرنینگ قوریلیشی بیلن کسل‌لر گه درمانی خذمت‌لر عرضه قیلیشی‌نینگ کوپه‌یشی ممکن.
اونینگ کوپه‌یتیریشیچه: «مذکور مرکزلرنینگ قوریلیشی نه فقط ثالثی خذمت‌لر سیستمی بولیمی‌ده ساغلیق خذمت‌لر عرضه‌سی صفتی‌نی کوپه‌یتیره‌ی، بلکیم تکنولوژی یاردمی بیلن ساغلیق‌نی سقلش وزیرلیگی‌نینگ استراتیژی هدفی عمل‌گه آشه‌دی.»
اوشبو وزیرلیک سوزلاوچیسی شرافت زمان امرخیل‌نینگ ایتیشیچه، یوقمه کسل‌لیک‌لرنی انیقلش ایکی مرکز اوچ آیده قوریله‌دی. «اوشبو ایکی کسل‌خانه‌ده ایکی مرکز قوریله‌دی که انیقلش مرکز دیر. ایکی سی‌تی اسکن ماشین نصب بوله‌دی و بو مرکزلرنینگ قوریلیشی‌دن مقصد، دولتی کسل‌خانه‌لرده انیقلش خذمت‌لریده آسایشته‌لیک یره‌تیلیشی دیر که اهالی قیین‌چیلیکلری حل بولسه.»
بیزلرنینگ فیسبوک صحیفه‌میزگه باش اورینگ!
باشقه بیر تاماندن، انتانی تخصصی کسل‌خانه‌سی شفاکاری فرید‌الله عمری‌نینگ ایتیشیچه: «بو مرکزنینگ قوریلگنی‌ده، کسل‌لر کوپینچه خره‌جت بیرمس‌دن تیکین روش‌ده دوالنه‌دیلر.»
ساغلیق‌نی سقلش وزیرلیگی آرقه‌لی ارائه بولگن معلومات اساسیده، اوشبو ایکی مرکزنینگ قوریلیشی ۱۰۰ میلیون افغانی خره‌جت کوتاریب و خلق‌ارا جاپان همکارلیک‌لر تشکیلاتی (جایکا) آرقه‌لی توللنه‌دی.
