افغانستان برق ییتکزیش شرکتی (برشنا) مسئوللری، بوگون ۷-حمل، پنجشنبه، کابل ده اوتکزیلگن خبری بیر ییغیلیش‌ده، اسلام امیرلیگی باش وزیری‌نینگ اقتصادی اورین‌باسری عبدالغنی برادر بیلن، کابل ده بیرته خارجی شرکت و نیچه ایچکی شرکت‌نینگ حضوری بیلن ییتی لایحه شرط‌نامه‌‌لرینی امضا قیلگنلر.
برشنا شرکتی باشلیغی عبدالباری عمرنینگ ایتیشیچه، مذکور ییتی لایحه ۲۲۸ مگاوات ظرفیت بیلن سولری، شمال و گازی برق ایشلب چیقریش‌دن عبارت بولیب و اونینگ ارزشی ۲۹۲ میلیون دالر دیر. «۲۲۸ مگاوات‌دن آرتیق ظرفیت‌گه، هرات ده ۲۰۰ مگاوات‌لیک شمال انرژیسی، جوزجان ده ۵۰ مگاوات‌لیک گاز انرژیسی، بلخ ده ۴۰.۲۵ مگاوات‌لیک قویاش انرژیسی، لوگر ده ۴۰ مگاوات‌لیک قویاش انرژیسی، ننگرهار‌ده ۴۰.۲۵ مگاوات‌لیک قویاش انرژیسی، لغمان ده ۱۰ مگاوات‌لیک قویاش انرژیسی و هرات ده ۵ مگاوات‌لیک قویاش انرژیسی‌دن عبارت بولگن برق ایشلب چیقریش دستگاه‌لری‌نینگ قوریش ییتی لایحه شرطنامهلری، کابل ده امضا‌لنگن.»
بیزلرنینگ توییترده هم تعقیب قیلینگ!
شونده‌ی بیرحالده، اوشبو شرکت مسئوللری، مذکور ییغیلیش‌ده ۱۱۰ کیلوولت‌لیک کجکی-قندهار برق اوزه‌تیش سیمی‌نی یکون‌لش بوییچه ایکی لایحه شرط‌نامه‌سی و شونینگدیک قندهار ولایتی شرقی-زابل ولایتی قلات سب‌استیشن لایحه‌سی‌نی امضا قیلگنلر.
عین حالده، مذکور شرط‌نامه‌لرنی عمل‌گه آشیرووچی شرکت‌لر مسئوللری‌نینگ ایتیشلریچه، بو لایحه‌لر‌نینگ عمل‌گه آشیرلیشی بیلن مملکتنینگ ایریم ولایت‌لری‌گه ضرور بولگن برق‌نینگ تامین‌لنیشی ممکن.
زواک‌من نبی‌زی شرکتی باشلیغی حکمت‌الله کاکر‌نینگ ایتیشیچه: «عمومی شکلده ایشانچ بیره‌میز که بو لایحه‌لر‌نینگ عمل‌گه آشیریلیش ایشی وقتی‌ده عمل‌گه آشیریله‌دی و شونینگدیک مذکور لایحه‌لر‌نینگ عمل‌گه آشیریلیشی بیلن مملکتنینگ ایریم ولایت‌لری‌گه ضرور بولگن برق‌نینگ تامین‌لنیشی ممکن.»
بیزلرنینگ فیسبوک صحیفه‌میزگه باش اورینگ!
تورکیه‌لیک ۷۷ انشاآتی شرکتی باشلیغی سلیمان جیلیو‌نینگ ایتیشیچه: «بیز هرات ده ۴۳ مگاوات‌دن آرتیق شمال انرژیسی و ننگرهار ده ۴۰ مگاوات قویاش انرژیسی ایشلب چیقریش لایحه‌سی‌نی عمل‌گه آشیره‌میز و بو لایحه‌لر خلق‌ارا ستندرد‌لر بیلن تطبیق بوله‌دی.»
برشنا شرکتی‌نینگ معلومات‌لری اساسیده، برق ایلشب چیقریش مذکور ییتی لایحه‌نینگ عمل‌گه آشیریلیشی بیلن، مملکت ده ایچکی برق ایشلب چیقریلیشی ۳۰ فایز کوپه‌یشی ممکن.
