کابل بلدیه‌سی مسئوللری، کابل ده قویی قیمت بیلن تاش کومیر ساتیلیش پروسهسینی باشله‌گنلر. کابل بلدیه‌سی‌نینگ مدنیت بوییچه مصلحتچی‌سی نعمت‌الله بارکزی‌نینگ ایتیشیچه، جاری ییل‌ده کابل شهری‌نینگ ۲۲ ناحیه‌سیده بیر تُن تاش کومیر، ۶۵۰۰ افغانی‌گه ساتیله‌دی.
جناب بارکزی‌نینگ کوپه‌یتیریشیچه: «کابل بلدیه‌سی اوتگن کون تاش کومیر ترقه‌تیش پروسهسینی باشله‌دی. کابل بلدیه ۲۲ ناحیه‌ده ۲۲ محل نی بیللی قیلگن که هر بیر تُن تاش کومیر ۶۵۰۰ افغانی گه ساتیلیشی ممکن. یشاوچیلر هم بیللی محل‌لردن نیازلری بولگن تاش کومیرنی نیچه مرته یا-ده کونده‌لیک شکلده ساتیب آلیشلری ممکن. هر بیر عایله گه بیر تُن تاش کومیر نظر گه آلینگن.»
بیزلرنینگ فیسبوک صحیفه‌میزگه باش اورینگ!
تاش کومیر ساتیب آلیش اوچون، تاش کومیر ساتیله‌دیگن جای‌لر گه بارگن کابل شهری یشاوچیلریدن‌دن قطاری‌نینگ ایتیشلریچه، تاش کومیر ساتیب آلیش مقصد باش‌ده وکیل‌گذر تصدیقی و کیین ایسه کابل بلدیه ناحیه‌سی‌نینگ تصدیق قیلگنی‌دن سونگ، ترقه‌تیلیش ورقی بیلن نیازلری بولگن تاش کومیرنی قولگه کیلتیریشلری ممکن.
تاش کومیر ساتیب آلووچیلردن بیری حمید‌نینگ ایتیشیچه: «وکیل‌گذر گه باردیم، عریضه‌میزنی تصدیق قیلدی و کیین ایسه بلدیه ناحیه‌سی گه باردیم و اوندن سونگ ترقه‌تیلیش ورقی‌نی قولگه کیلتیردیم و بیزلر گه تاش کومیر بیردیلر. بازار قیمتی گه قره‌گنده دولتی تاش کومیر یخشی دیر. ارزان‌راق بوله‌دی. بو ییرده ۶۵۰۰ افغانی گه ساتیب آله‌میز و دکان‌لرده ایسه ۱۲۵۰۰-۱۴۰۰۰ افغانی بوله‌دی.»
بیزلرنینگ «ایکس» ترماغی ده هم تعقیب قیلینگ!
شونینگدیک تاش کومیر ساتیب آلووچیلردن باشقه بیری سیف‌الدین‌نینگ ایتیشیچه: «بو ییرده یخشی که ارزان‌راق توشه‌دی. شونینگدیک ساتیلیش موقعیتی یقین‌راق دیر و بیزلر گه آسایشته‌لیک یره‌تیلگن.»
حاضر ایسه کابل شهری بازارلریده بیر تُن تاش کومیر قیمتی، ۱۲مینگ‌دن آرتیق افغانی بولیب و شونینگدیک کابل بلدیه‌سی مسئوللری‌نینگ ایتیشلریچه، حاضرگچه کابل شهری‌ده شخصی شکلده تاش کومیر ساته‌دیگنلر گه نرخ‌نامه تعیین‌لنمه‌گن.