اونلب ییللردن بیری پیچاق سازلیک پروان مرکزی چاریکار شهرینینگ صناعت عنعنهلرینینگ بیر قسمی بولیب کیلگن؛ بیراق حاضر بو یارقین صناعتدن فقط بیر نیچه کیچیک دکان قالگن و اولرنینگ ایگهلری هم بازارنینگ سُستلیگیدن شکایت قیلماقدهلر.
بیر وقتلر چاریکار شهرینینگ تیمیرچیلری تامانیدن یسب، دستهلریگه نازک اویمهکارلیکلر توشیریلگن چونتک پیچاقلری کوپلب قیشلاق اهالیسی آرهسیده مشهور اېدی. اما قۉشنی ممکتلردن ارزان نرخدهگی اوخشش محصولاتلر وارد قیلینیشی بیلن بو پیچاقلرنینگ بازاری پسهیب، شهردهگی پیچاقسازلیک دکانلری بیرین-کیتین یاپیلدی.
چاریکار شهریدهگی اونلب قوش ساتووچی دکانلر آرهسیده قالگن یگانه پیچاق سازلیک دکان ایگهسی، اۉز ایشینینگ حالتی و پروانده پیچاق سازلیک بازارینینگ پسهیگنینی معلوم قیلدی.
او شوندهی دیېدی: «چونکه بیزنینگ سوداگرلریمیز وارد قیلهدی بیراق صادر اېمس، اولر چیندن صفتسیز توار، پاکستاندن ارزان محصولات آلیب کیلیب قیمت گه ساتهدی. اولر بیر مرتهلیک، صفتسیز نرسهلر. بیزنینگ پیچاقیمیز اېسه ینگی بولسه، آدمنینگ چونتهگیده ییللر دوامیده قالهدی. حاضر ۳۰۰ دکاندن فقط ایکی دکان قالگن. طلبیمیز شو که بیز اوچون بیر فابریکه قورسینلر، بیز باشقه دولتلردن تیلنچیلیک قیلماقچی اېمس میز شو مبلغنی دولت آلیب بیز اوچون فابریکه قورسین.»
چاریکار شهریدهگی ېنه بیر پیچاق ساز محمد سردارنینگ ایتیشیچه، ارزان پیچاقلرنینگ بازار گه وارد قیلینیشی بو ییرده ایشلب چیقریلگن پیچاقلر خریدارلرینینگ کمهیشیگه سبب بولگن.
اونگه کوره: «تشقریدن کیلگن توار بولسه بیزنینگ محصولاتیمیزنی هېچ کیم آلمهیدی، بیز ایشلب چیقرگنیمیزده اېسه چیتدن کیلگن توار صفتسیز بولسه هم ارزان، شو سبب آدملر بیزنیکینی اونچهلیک آلمهیدی. مینیمچه دولت بیزگه یاردم بیرسه، بیرار اوسکونه یا که فابریکه قوریب بیرسه بیز اوزیمیز اوزیمیزنی تأمینلهیمیز، اوزیمیز ایشلب چیقرهمیز.»
شو بیلن بیرگه، چاریکار شهری کسبهکارلر باشلیغی امامالدین امین، اوشبو شهرده قول صناعتینینگ سُستلشگنینی تصدیقلب، ارزان نرخدهگی چیت ایلدن کیلتیریلگن افغانستانده ایشلب چیقریلگن محصولاتلر گه اوخشش توارلر سببلی محلی ایشلب چیقریش بازارینی یوقاتگنینی ایتهدی.
اونینگ کوپهیتیریشیچه: «استه-سیکین قۉشنی دولتلرنینگ سودا ریجهسی شوندهی بولدی کی بیزنی صناعتلی مملکتدن استعمالچی مملکت گه ایلنتیردی. چاریکار شهری ایلگری بیر صناعت مرکزی اېدی حاضر اېسه دییرلی همه نرسهمیز قۉشنی دولتلر گه باغلیق. اولرنینگ محصولاتلری صفتسیز، بیراق ارزان. انه شو نرسه آدملرنینگ استه-سیکین بو صناعتدن واز کیچیشی گه سبب بولدی.»
پروان صناعت و سودا باشلیغی سیدایمل نیکمل آقا گه کوره، صناعتچیلرنی قۉللب-قوتلش اوچون بو اداره صناعت باغیده ییر اجرهتیش کبی قۉللب-قوتلاوچی دستورلرنی عملگه آشیرماقده.
او شوندهی دیېدی: «۵۰ جریب ییر اولر اوچون اجرهتیلگن شو آرقهلی بعضی کیچیک صناعتچیلر شو ۵۰ جریب ییرده جایلشتیریلیشی ممکن اولر بیلن همکارلیک قیلدیک و قیلماقدهمیز و اولر محصولاتلرینی کوزگه گه قوییش اوچون هر ییلی کورگزمه اوتکزیلهدی.»
پروانده پیچاق سازلیک صناعتی ارزان نرخده بازار گه کیریب کیلهیاتگن عامهوی ایشلب چیقریلگن اوخشش محصولاتلر سبب اولگی رونقینی یوقاتگن. پیچاق سازلرنینگ ایتیشیچه، بو ساحهده ییریک ایشخانهلر قوریش آرقهلی اونینگ بوتونلی یوقالیب کیتیشینینگ آلدینی آلیش ممکن.
