افغانستان تینچلیک جریانی بوییچه آمریکا خاص نمایندهسی زلمی خلیلزاد، افغانستان تشقی ایشلر وزیری محمدحنیف اتمر بیلن اوچرهشیب آمریکا نینگ افغانستان تینچلیک جریانیدن حمایت قیلیشیدن ایشانچ بیرگن.
اوشبو اوچرهشوو اوتگن “پنجشنبه” کونی شام چاغیده صورت تاپگن و بو اوچرهشوو آمریکا نینگ کابلدهگی ایلچیلیگی سرپرستی راس ویلسن و افغانستان نینگ واشنگتندهگی ایلچیسی رویا رحمانی حضوری بیلن ویدیو کنفرانس آرقهلی صورت تاپگن.
بوگون “جمعه” افغانستان تشقی ایشلر وزیرلیگی نینگ بیر خبرنامه آرقهلی ایتیشیچه، اوشبو ویدیویی اوچرهشووده ایکی تامان طالبان گروهی و افغانستان حکومتی آرهسیده بولگن سوزلشوولر کوچلی بولیشی و خلق ارا جماعهسی نینگ حمایت قیلیشی اوچون کابل و واشنگتن نینگ قوشمه سعی و حرکت قیلیشلری خصوصیده بحث قیلینگن.
خبرنامهگه کوره، افغانستان تینچلیک جریانی بوییچه آمریکا خاص نمایندهسی زلمی خلیلزاد، دوحه ده سوزلشوولر ایکینچی دوری باشلنگنینی خوش قرشیلب و آمریکا نینگ تینچلیک سوزلشوولردن حمایت قیلیشی و ایکی مملکت آرهسیده بولگن یاردملر دوام قیلیشیدن ایشانچ بیرگن.
تشقی ایشلر وزیرلیگی تامانیدن نشر قیلینگن خبرنامهده ایتیلیشیچه، افغانستان تشقی ایشلر وزیری محمد حنیف اتمر « تینچلیک جریانیدن حمایت قیلیش اوچون منطقهیی و خلق ارا اجماع اهمیتی» اوستیگه تاکید قیلگن.
