قزاقستان دولتی و اروپا اتفاقی همکارلیکنی کوچهیتیریشگه کیلیشگن.
ییتکرمهلرنینگ معلوماتیگه کوره، قزاقستان جمهور باشلیغی قاسم جومارت توقایف و اروپا اتفاقی ییتکچیلری بروکسلده اوتکزیلگن مذاکرهلر یکونیده، استراتیژیک همکارلیکنی کوچهیتیریشگه کیلیشگن.
معلوماتلر اساسیده، قزاقستان جمهور باشلیغی قاسم جومارت توقایف بروکسلده اروپا کینگشی رهبری آنتونیو کوستا و اروپا کمیسیونی رهبری اورسولا فون درلاین بیلن مذاکرهلر اوتکزگن. تامانلر قزاقستان و اروپا اتفاقی اورتهسیدهگی همکارلیکنی ینهده رواجلنتیریش مسئلهلرینی محاکمه قیلگن.
توقایفنینگ ایتیشیچه، قزاقستان و اروپا اورتهسیدهگی مناسبتلر همکارلیک تاریخیدهگی اینگ یوقاری درجه گه چیققن. اونینگ سوزلریگه کوره، تامانلر اوزارا ایشانچ و حرمت گه اساسلنگن استراتیژیک علاقهلرنی ینهده کینگهیتیریشنی مقصد قیلگن.
شونینگدیک تامانلر، هوانوردلیک بوییچه کیلیشوو و ویزه ترتیبلرینی یینگیللشتیریش بوییچه مذاکرهلرنینگ یکونلنیشینی ایجابی بهالهگن. بو حجتلر قزاقستان و اروپا اتفاقی فقرالری اورتهسیدهگی علاقهلرنی ینهده کوچهیتیریشی کوتیلماقده.
