کاپیسا امنیه قوماندانلیگی مسئوللری، اوشبو ولایت نجراب تومنی اطرافیده، بیر ایرکک نینگ ناتانیش کیشی‌لر تامانیدن اولدیریلگنی‌دن خبر بیرگنلر.
کاپیسا امنیه قوماندانلیگی سوزلاوچیسی عبدالفتاح فائز نینگ سلام‌وطندار گه ایتیشیچه، اوتگن کون (پنج‌شنبه، ۲۴-حوت)، توش‌دن آلدین ساعت ۱۱:۰۰ اطرافیده، اوشبو ولایت نجراب تومنی نینگ «پاریات خارج دره» منطقه اصلی یشاوچیسی بولمیش ۴۰ یاشر نورالله اسم‌لی بیر ایرکک، ناتانیش کیشی‌لر تامانیدن اوققه توتیلیب اولدیریلگن.
بیزلرنینگ «ایکس» ترماغی ده هم تعقیب قیلینگ!
جناب فائز نینگ کوپه‌یتیریشیچه، اوشبو قتل سببی حاضرگچه بیللی بولمه‌گن، بیراق اوشبو واقعه گه تیگیشلی بیر کیشی قولگه آلینیب و بو توغریده تدقیقات نینگ دوامی بار.
ایتیش کیره‌ک که، مملکت نینگ قطار ولایت‌لریده، شخصی دشمن‌لیک و باشقه قیینچیلیک‌لر باعث بو کبی واقعه‌لر یوز بیریب و یشاوچیلردن قربان‌لیک آلگن.