کاپیسا امنیه قوماندانلیگی مسئوللری نینگ ایتیش‌لریچه، اوشبو ولایت‌ده آو قورالی بیلن ایکی یاش ییگیت نینگ اوینشی سبب، اولردن بیری هلاک بولگن.
کاپیسا امنیه قوماندانلیگی سوزلاوچیسی عبدالفتاح فائز اوشبو خبر نی تصدیق‌لب سلام‌وطندار گه ایتیشیچه، اوتگن کون (پنج‌شنبه، ۱۱ حوت) توش‌دن کیین، ساعت ۴:۳۰ اطرافیده اوشبو ولایت نجراب تومنی حدودلریده جایلشگن «دلیار خارج‌دره» اسملی قیشلاغیده ایکی یاش ییگیت آو قورالی بیلن اوینش چاغیده، اوق آتیلیب ادریس اسملی یاش بیر ییگیت هلاک بولگن.
بیزلرنینگ فیسبوک صحیفه‌میزگه باش اورینگ!
جناب فائز نینگ کوپه‌یتیریشیچه، مذکور ایکی باله آو قورالی بیلن اوینشی چاغیده اوق آتیلیب ادریس اسملی یاش ییگیت کوز تامانیدن یره‌لنگن که، یقین‌داش‌لری تامانیدن بیرینچی‌ده تومن کلینیگی و کیین ایسه پنجشیر ایمرجنسی کسل‌خانه‌سی گه انتقال تاپگن، بیراق یامان شکلده جراحت کوتارگنی سبب، هلاک بولگن.
کاپیسا امنیه قوماندانلیگی سوزلاوچیسی نینگ اورغولشیچه، اوق نینگ اشتباهی شکلده آتیلگنی و اوشبو عایله اعضاسی نینگ ادعا قیلمه‌گنی سبب، مذکور واقعه گه تیگیشلی هیچ کیم قولگه آلینمه‌گن.
