کاپیسا ولایتی تگاب تومنی‌ده مسئوللر، قیشلاقلرنی رواجلنتیریش و قیته قوریش وزیرلیگی آرقه‌لی اوشبو تومن‌ده ۱۲۰ میلیون افغانی‌لیک ۶۸ ترقیاتی لایحه‌نینگ عمل‌گه آشیریلیش ایشی باشلنگنی‌نی تصدیق قیلگنلر.
قیشلاقلرنی رواجلنتیریش و قیته قوریش وزیرلیگی سرپرستی محمدیونس آخوند‌زاده، ۵-حمل، سه‌شنبه، اوشبو لایحه‌لر‌نینگ آچیلیش چاغیده تگاب تومنی یشاوچیلری‌گه اولر‌نینگ قیین‌چیلیکلری حل بولینیشی توغریسیده ایشانچ بیرگن.
بیزلرنینگ فیسبوک صحیفه‌میزگه باش اورینگ!
قیشلاقلرنی رواجلنتیریش و قیته قوریش وزیرلیگی سرپرستی‌نینگ ایتیشیچه، تگاب تومنی‌ده قریب ۱۲۰ میلیون افغانی خره‌جت بیلن ۶۸ ترقیاتی لایحه‌نینگ عمل‌گه آشیریلیش ایشی، مذکور وزیرلیک تامانیدن باشلنگن.
آخوند‌زاده‌نینگ کوپه‌یتیریشیچه، بار امکانیت‌لر بیلن مملکت‌ده ترقیات‌دن محروم و اوزاق‌ده‌گی منطقه‌لرده، اهالی‌نینگ اجتماعی آسایشته‌لیگی‌گه تیگیشلی بولگن اساسی رواجلنیش لایحه‌لر عمل‌گه آشیریله‌دی.
بیزلرنینگ «ایکس» ترماغی ده هم تعقیب قیلینگ!
اوشبو لایحه‌لر قیشلاق‌لر سرکلری، کوپریک‌لر، استنادی دیوارلر و سووغاریش کانال‌لری قوریلیشی‌دن عبارت بولیب و اونینگ عمل‌گه آشیریلشی بیلن، مستقیم و نامستقیم شکلده مینگ‌لرچه کیشی‌گه ایش فرصت‌لری یره‌تیلیشی‌گه علاوه، ایکینچیلیک ییرلردن کوپ قطاری سووغاریلیب و یوزلب جریب ییر سوو تاشقین‌لری خوفی‌دن اوزاق بولیشی ممکن.
