کابل ده انسان پرور جمغرمه‌لردن بیری تامانیدن «تیکین» روشده یولگه قوییلگن کمپیوتری مهارت‌لرنی اورگه‌تیش کورسیدن کمبغل ۱۴۵ اوسمیر فارغ بولگنلر.
جاوید ابراهیمی عالی درگاه و انسان پرور جمغرمه مسئوللری، بو کبی برنامه‌لر یولگه قوییلیشیدن اساسی مقصد، کمبغل اوسمیرلرنی قوللب_قوتلش و اولر گه مهارت‌لرنی اورگه‌تیش عنوان قیله‌دیلر.
مذکور جمغرمه مسئولی جاوید ابراهیمی نینگ ایتیشیچه، اوشبو برنامه گه علاوه یقینده قیزلر اوچون دینی و عصری علوم اورگه‌تیش زمینه‌سینی یره‌تیش مقصدیده، باشقه برنامه یولگه قوییشگه قرار قیلگنلر.
بیزلرنینگ فیسبوک صحیفه‌میزگه باش اورینگ!
اونگه کوره: «بیز کورس نی آچگن پیتده اوچ مینگ کیشی گه تیکین خذمت قیلیش گه قرار قیلگندیک، بوگون بیرینچی دوری فارغ بولدی، نه فقط اوشبو ولایت ده بلکه باشقه نیچه ولایت ده بو برنامه نی آچیش گه قرار قیلگن‌میز.»
عین‌حالده، اوشبو عالی درگاه و کمپیوتری مهارت‌لرنی اورگه‌نیش کورسیدن فارغ بولگن اوقووچیلر، ایش بازاری یوق‌لیگیدن خواطر بیلدیریب ایتیشلریچه، مسئوللر ایش فرصت‌لرینی یره‌تیش ده اونچه‌لیک دقت قیلمه‌یدیلر.
کمیپوتری مهارت‌لرنی اورگه‌نیش تورت آی‌لیک کورسیدن فارغ بولگن اوقووچیلردن نصیراحمد احمدزی و طارق گه کوره، ایش فرصت‌لری یوق‌لیگی مهارت‌لرنی اولدیریش معناسیده دیر.
اوقووچیلردن نصیراحمد احمدزی نینگ کوپه‌یتیریشیچه: «بیز بو ییرده عالی، دستلبکی و دیتابیس پروگرام‌لرینی اورگندیک، دولت و مؤسسه‌لردن یاش‌لر گه ایش زمینه‌سینی یره‌تیشنی ایسته‌یمیز.»
شونینگدیک، اوقووچیلردن باشقه بیری طارق گه کوره: «خواطرده میز، سندلریم کوپ دیر سندلر آره‌سیده قویه‌من، ایش تاپیش اوچون هیچ امیدیم یوق، ایش تاپیلسه خلق‌ارا مقیاس ده ایشلشنی ایسته‌ی من.»
اجتماعی ایش بیلرمان‌لر، بو کبی برنامه‌لر یولگه قوییلیشینی خوش‌قرشی‌لب ایتیشلریچه، نهادلر نقدی و مالی یاردم‌لری اورنیده بنیادی و بیلیم یولی بیلن ییگیت‌لر گه مهارت اورگه‌نیش زمینه‌سینی یره‌تیش‌لری کیره‌ک.
بیزلرنینگ توییترده هم تعقیب قیلینگ!
شفاکار و جامعه شناس جمشید رسا گه کوره، مالی و نقدی یاردم‌لر جمعیت نی تنبل و تیلنچی قیلیشی گه سبب بوله‌دی.
او نینگ کوپه‌یتیریشیچه: «نان بیریش بو ملت نی اصلاح و قیینچیلیک‌لرینی حل قیلمه‌یدی، نقدی یاردم اورنیده بنیادی ایشلر و بیلیم یولی بیلن ییگیت‌لر گه مهارت اورگتسین‌لر.»
مذکور انسان پرور جمغرمه مسئوللری گه کوره، کمپیوتری مهارت‌لرنی اورگه‌تیش یانیده، ۱۰۰ عیال گه ایش امکانیت‌لرینی یره‌تیب و کمپیوتری مهارت‌لرنی اورگه‌تیش برنامه‌لرینی ولایت‌لر بویلب یولگه قوییش‌لری ممکن.