کابل شهری نینگ دشت‌برچی منطقه‌سیده‌گی کاج تعلیمی مرکزی مسئوللری، خیریه بیر نهاد همکارلیگی بیلن، اوشبو مرکز‌ده تعلیم و درس خصوصیده قیزلر نی تشویق قیلیش مقصد، بیر کتاب‌خانه ایجاد قیلگنلر.
اوتگن ییل سکیزینچی میزان، قانلی بیر هجوم گه شاهد بولگن کاج تعلیمی مرکزی مسئوللری، اوشبو کتاب‌خانه نی ایجاد قیلیش بیلن مذکور مرکز اوقووچیلری نینگ درس گه علاقه‌لرینی تیکلش عنوان قیلگنلر.
بیزلرنینگ فیسبوک صحیفه‌میزگه باش اورینگ!
کاج تعلیمی مرکزی مسئوللریدن بیری ظاهر علی‌زاده نینگ سلام‌وطندار گه ایتیشیچه، قیزلر یوزی گه مکتب‌لر و بیلیم یورت‌لر ایشیگی یاپیق قالیشی و کاج هجومی کبی واقعه‌لر نینگ تکرارلنیشی خصوصیده امنیتی خواطرلر، مذکور مرکزلرده‌گی اوقووچیلر روحی گه سلبی تاثیر قوییب و اولر تعلیمی برابریده‌گی حاضرگی وضعیت‌دن قوتقریلیش خصوصیده حل یول اخترماقده‌لر.
جناب علی‌زاده نینگ کوپه‌یتیریشیچه: «تعلیمی مرکزی‌‌میز گه یوز بیرگن قانلی حادثه‌ده قیغو بیلن ۵۶دن آرتیق اوقووچیمیز اولیب و شونینگدیک یوزلرچه اوقووچیمیز ایسه یره‌لندی. اوشبو قربان بولگن‌لر نینگ آرزولری پیتیده بیر کتاب‌خانه توزه‌تیش نی ایسته‌دیک.»
شونده‌ی بیرحالده، اوشبو کتاب‌خانه نینگ آچیلیش برنامه‌سی گه شرکت قیلگن و توقیزینچی صنف اوقووچیسی بولمیش جمیله نینگ ایتیشیچه، آته‌سی کاج تعلیمی مرکزی‌ده قوریقچی ایکن و مذکور هجوم‌ده خودکش هجوم‌چیلر هجومی نینگ آلدی نی آلیش پیتده هلاک بولگن. جمیله گوره، آته‌سی اونینگ تحصیل قیلیشی نی ایسته‌ر ایکن و انه شوو سبب، تحصیل خصوصیده آته‌سی نینگ آرزولری و اوزی نینگ هدف‌لری اوچون اوشبو یول نی تعقیب قیله‌دی.
اونینگ کوپه‌یتیریشیچه: «مکتب نی بیتیریب، کیله‌جک‌ده بیلیم یورت گه یول تاپیب و شونینگدیک بیر داکتر بولیش نی ایسته‌ر ایدیم. قیغو بیلن حاضر امکان‌سیز دیر.»
عین حالده، اوشبو کتاب‌خانه آچیلیش برنامه‌سی گه شرکت قیلگن قیزلردن قطاری نینگ ایتیش‌لریچه، شونینگدیک حق‌لری بولگن تعلیم گه قول تاپیش اوچون کوپینچه قیین‌چیلیک‌لر بیلن روپه‌ره‌لر.
بیزلرنینگ توییترده هم تعقیب قیلینگ!
شونینگدیک مذکور برنامه گه شرکت قیلگن قیزلردن باشقه بیری سکینه الهامی نینگ ایتیشیچه، اوچ ییل آلدین کابل غربی‌ده جایلشگن سید‌الشهدا مکتبی گه یوز بیرگن کیت‌مه-کیت هجوم‌لرده اوز جانی نی قوتقرگنی بیرحالده، بیراق اوقووچیلر نینگ قربان بولیش صحنه‌لری گه شاهد ایکن.
بیلیم یورت‌‌ده بیرینچی ییل طلبه‌سی بولمیش خانم الهامی نینگ کوپه‌یتیریشیچه: «حاضرگی حکومت‌‌دن قیزلر گه مکتب، بیلیم یورت و کورسلر گه باریلیشی خصوصیده رخصت بیریلیشی نی ایسته‌یمن. چونکه بو رقم تعلیم و تحصیل قیلیب و بیلیم یورت نی بیتیره‌یلیک.»
عین حالده، قریب ایکی ییل‌دن بیری قیز مکتب‌لری یاپیق قالیب و شونینگدیک بیش آی‌دن بویان طلبه قیزلر بیلیم یورت‌لر گه باریش‌دن محروم بولگن که، حاضرگچه سرپرست حکومت تعلیمی و تحصیلی نهاد‌لر آچیلیشی خصوصیده هیچ قنده‌ی بیر قرار آلمه‌گن.
