بیرلشگن ملتلر تشکیلاتی مهاجرلر ایشلری بوییچه عالی کمیشنری فیلیپو گراندینینگ اعلام قیلیشیچه، افغانستانلیک قاچقینلر قیینچیلیگی حلی اوچون اسلام امیرلیگی و ایران اسلامی جمهورلیک رسمیلری بیلن اوچرهشگنیده، اوچ تامان آرهسیده اوچ تامانلمه مذاکرهلر اوتکزیلیشیگه کیلیشیلگن.
گراندی، اوتگن کون (۱-اسد، چهارشنبه)، کیچ قورون اکس صحیفهسیده، ایران دن افغانستانلیک قاچقینلرنینگ کینگ شکلده قیتیش جریانی حاضرگچه دوام قیلماقده دیب یازگن.
بیزلرنینگ «ایکس» ترماغی ده هم تعقیب قیلینگ!
بیرلشگن ملتلر تشکیلاتی مهاجرلر ایشلری بوییچه عالی کمیشنری گه کوره، اوشبو مذاکرهلرنینگ اوتکزیلیشیدن مقصد، ایکی مملکت خواطرلریگه جواب بیریش، قاچقینلر برابریده مسئولیتلرینینگ بجریلیشیدن ایشانچلی بولیش، جبرلنهدیگن کیشیلرنینگ حقلرینی قوللب-قوتلش و خلقارا یاردم بیرووچیلر تامانیدن انسانسیورلیک یاردملرنی توپلش دیر.
فیلیپو گراندی، مذکور ییغیلیشنینگ قچان و قیرگه اوتکزیلیشی حقیده معلومات بیرمهگن.
بیزلرنینگ فیسبوک صحیفهمیزگه باش اورینگ!
گراندینینگ کابل و تهران گه قیلگن آخرگی سفری، سونگی هفتهلرده ایران دن افغانستانلیک قاچقینلرنینگ چیقریلیشی مثلی کوریلمهگنی درجهده آشگنی بیرحالده، عملگه آشیریلگن. بیرلشگن ملتلر تشکیلاتی مهاجرلر ایشلری بوییچه عالی کمیسارینینگ معلوماتی اساسیده، جاری میلادی ییل باشلنگنیدن حاضرگچه، بیر میلیوندن آرتیق افغانستانلیک قاچقین جبری یا-ده داوطلب شکلده ایران افغانستان گه قیتگن.
