خبرچی‌لردن قطاری، اطلاعات گه قول تاپه آلمسلیک و اسلام امیرلیگی سوزلاوچیلری تامانیدن اطلاعات شریک قیلینمسلیگیدن شکایت قیله‌دیلر.
کابل ده خبرچی‌لردن ذبیح‌الله سروری نینگ ایتیشیچه، حکومت سوزلاوچیلری تامانیدن اطلاعات شریک قیلینمسلیگی، میدیالر نینگ اساسی قیینچیلیکلریدن سنله‌دی.
اونگه کوره: «اولکه یشاوچیلری مهم واقعه‌لر اینیقسه امنیتی واقعه‌لردن میدیالر آرقه‌لی خبر بولیشنی کوته‌دیلر، بیراق بونده‌ی موردلرده خبرچیلر بیلن اطلاعات شریک قیلینمه‌یدی.»
بیزلرنینگ فیسبوک صحیفه‌میزگه باش اورینگ!
خبرچیلر گه کوره، ایریم پیت‌لر اسلام امیرلیگی سوزلاوچیلری خبرچیلر نینگ سوالی گه جواب قیتیریش گه حاضر بولمه‌یدیلر و حاضر بولگن حالده هم، اطلاعات نی بوتونلی ژورنالیست‌لر بیلن شریک قیلیشمه‌یدی.
خبرچی‌لردن باشقه بیری یاسمین صافی نینگ ایتیشیچه: «اسلام امیرلیگی سوزلاوچیلریدن واقعه‌لر گه دایر معلومات سوره‌سک، بیرینچی دن معلومات بیریش گه حاضر بولمه‌یدیلر، بولگن حالده هم، معلومات نی یریم و ناقص بیره‌دیلر، اطلاعات بوتونلی خبرچیلر بیلن شریک قیلینمه‌یدی.»
افغانستان ایرکین میدیالریدن حمایت قیلووچی نهاد (نی) گه کوره، سونگی کونلرده خبرچیلر بیش مراتبه دن آرتیق اوشبو نهاد گه مراجعت قیلیب و اطلاعات شریک قیلینمسلیگیدن شکایت قیلگنلر.
افغانستان ایرکین میدیالریدن حمایت قیلووچی نهاد باشلیغی ظریف کریمی نینگ ایتیشیچه: «اطلاعات گه قول تاپیش ریاستی اورنیده اطلاعات گه قول تاپیش اوشبو کمیسیون بولیشنی ایسته‌یمیز، ایش دایره‌سی کینگه‌یب و نظارت قیلیش توانی بولیشی لازم.»
بیزلرنینگ توییترده هم تعقیب قیلینگ!
معلومات و مدنیت وزیرلیگی نینگ نشرات ایشلری بوییچه معینی حیات‌الله مهاجر فراهی، اطلاعات گه قول تاپیش چیکلاولرینی تصدیقلب ایتیشیچه، مذکور وزیرلیک موجود معمالر حلی اوچون سعی‌وحرکت قیلماقده.
حیات‌الله مهاجر فراهی نینگ کوپه‌یتیریشیچه: «اطلاعات گه قول تاپیش جریانینی قولی‌لشتیریش مقصدیده ایشنی باشله‌گن‌میز، اطلاعات نی خبرچیلر بیلن شریک قیلیش اوچون سوزلاوچیلرنی بیر مراتبه چقیریش گه قرار قیلگن‌میز.»
عین‌حالده، اسلام امیرلیگی حاکمیتیدن کیین اطلاعات گه قول تاپیش چیکلنگن و سونگی کونلرده، وزارتخانه‌لردن قطاری معلومات نی میدیالر بیلن شریک قیلمهگنلر.
