اوتگن کون هرات ده، اوشبو ولایت معلومات و مدنیت ریاستی تامانیدن خلق‌ارا ییتکیرمه‌لر ایرکین‌لیک کونی، بیر برنامه آرقه‌لی نشانلندی.
اوشبو برنامه‌ده، خبرچیلر و میدیا‌لر مسئوللری معلومات گه قول تاپیش خصوصیده‌گی قیین‌چیلیک‌لردن تنقید‌لب، محلی مسئوللردن خبرچیلر نینگ معلومات‌لر گه قول تاپیش‌لری خصوصیده قوله‌یلیک یره‌تیلیشی نی ایستهگنلر.
بیزلرنینگ فیسبوک صحیفه‌میزگه باش اورینگ!
هرات ده محلی میدیالردن بیری نینگ مسئولی سالم سدید نینگ سلام‌وطندار گه ایتیشیچه، معلومات‌لر نی درست بیر شکلده خبرچیلر اختیاری گه قرار بیرمه‌یدیلر.
شونده‌ی بیرحالده، هرات معلومات و مدنیت ریاست مسئوللری، خلق‌ارا ییتکیرمه‌لر ایرکین‌لیک کونی‌ده ایتیش‌لریچه، برچه خوفسیزلیک حوزه‌لر و اداره‌لر، معلومات گه قول تاپیش نینگ قوله‌یلنیشی مقصد، مکتوب یوباریشلری ممکن.
هرات معلومات و مدنیت ریاست رئیسی نعیم‌الحق حقانی نینگ سلام‌وطندار گه ایتیش‌لریچه، مملکت معلومات و مدنیت وزیرلیگی نینگ اعلامیه‌‌سی اساسیده، خبرچیلر ایشی گه مداخله قیلیش خصوصیده هیچ بیر اداره نینگ حقی یوق.
باشقه بیر تامان‌دن، معلومات و مدنیت وزیرلیگی مسئوللری نینگ ایتیش‌لریچه، بوتون اداره‌لر مسئوللری معلومات‌لر نی خبرچیلر اختیاری گه قرار بیریش خصوصیده مکلف دیر.
بیزلرنینگ توییترده هم تعقیب قیلینگ!
معلومات و مدنیت وزیرلیگی نینگ نشراتی معینی حیات‌الله مهاجر فراهی نینگ ایتیشیچه، خبرچیلر گه کیم‌لیک کارت‌لری ترقه‌تیلگنی‌دن کیین، اولر اداره‌لردن معلومات آلیش اوچون، رسمی مکتوب آلیب باریش گه نیاز تاپمه‌یشلری ممکن.
اوچینچی می خلق‌ارا ییتکیرمه‌لر ایرکین‌لیک کونی گه ماس دیر و مذکور کون‌دن هر ییل مسئوللر آرقه‌لی هرات ده نشانلنه‌دی.