بلخ معلومات و مدنیت ریاستی مسئوللری نینگ ایتیشلریچه، جاری ییل جریانیده اوشبو ولایت نینگ ایسکی و تاریخی بنا‌لریدن چیت‌ایل‌لیک سیاحتچیلر نینگ کوزه‌تیشی کوپه‌یگن.
بلخ معلومات و مدنیت ریاستی نینگ معلومات بولیمی آمری عطامحمد ساهو نینگ ایتیشیچه، جاری ییل نینگ آلتی آیی جریانیده کمیده ۴۵۶ چیت‌ایل‌لیک سیاحتچی، اوشبو ولایت نینگ تاریخی جایلرینی کوزه‌تگن دیر.
بیزلرنینگ فیسبوک صحیفه‌میزگه باش اورینگ!
عطامحمد ساهو نینگ کوپه‌یتیریشیچه، ۱۴۰۱-ییل جریانیده، بلخ نینگ تاریخی و ایسکی جای‌لری و بنا‌لری، یالغیز ۱۲۱ چیت‌ایل‌لیک سیاحتچی نینگ حضوری گه شاهد ایکن دیر.
بلخ معلومات و مدنیت ریاستی نینگ معلومات بولیمی آمری، چیت‌ایل‌لیک سیاحتچیلر آماری کوپه‌یگنی‌دن خورسند‌لیک بیلدیریب ایتیشیچه، مذکور اوتیب-قیته‌دیگن‌لردن دولت گه ۵۰ مینگ دالر تاپشیریلگن.
او، خصوصی سکتور، سوداگرلر و تورلی ایچکی و خارجی نهاد‌لردن، نابود بولیش خوفی گه دوچ کیلگن بیر قطار تاریخی بنا‌لر نینگ قیته توزه‌تیلیشی بیلن، کوزه‌تووچیلر سانی کوپه‌یش زمینه‌سی یره‌تیلیشی نی ایسته‌گن.
اونگه کوره، مملکت گه کیله‌دیگن چیت‌ایل‌لیک هر سیاحتچی، ثبت قیلیش پیتده ۵۰ مینگ افغانی حکومت گه توله‌یدی. معلومات‌لر اساسیده، بلخ ده ۱۲۰دن آرتیق تاریخی و ایسکی جای‌لر بار که، دایم ایچکی و چیت‌ایل‌لیک سیاحتچیلر حضوری گه شاهد دیر.
بیزلرنینگ «ایکس» ترماغی ده هم تعقیب قیلینگ!
حضرت علی گه تیگیشلی قبر، مولانا جلال‌الدین بلخی آته‌سی نینگ خانقاه‌سی، ابونصر پارسا مسجدی و رابعه بلخی قبری، بلخ ده چیت‌ایل‌لیک کوزه‌تووچیلر نینگ قیزیقتیرگن اینگ اونملی ساحه‌لردن دیر.
