کانلر و پترولیم وزیرلیگی سرپرستی شهاب‌الدین دلاور بوگون (پنجشنبه، ۷-سرطان)، یولگه قوییلگن بیر برنامه‌ده ایتیشیچه، بو ییل آمو دریا نفت حوزه‌سیده باشقه ۲۰ قودوق قازیله‌دی.
جناب دلاور اوشبو بیانات نی آمو دریا نفت حوزه‌سیده مالی فعالیت‌لرنی تفتیش و تیکشیریش بیلن سرپرست حکومت و چین‌لیک بیر شرکت آره‌سیده مالی حسابلرنی تصفیه قیلیش مقصد، اوچینچی بیر شرکت نی استخدام قیلیش داوطلب‌لیک برنامه‌‌سیده بیان قیلگن.
بیزلرنینگ «ایکس» ترماغی ده هم تعقیب قیلینگ!
کانلر و پترولیم وزیرلیگی سرپرستی شهاب‌الدین دلاور نینگ ایتیشیچه: «بو ییل ۲۰ ینگی قودوق قازیله‌دی. بو ییل ۱۸ نفت قودوغی و ۲ اکتشافی قودوقی دیر که اونینگ تیل بولگنی بیللی و اوندن کیین باقه قودوقلر نی قازه‌میز و توپلم ۲۰ قودوق بوله‌دی. سه‌شنبه کونی ۲۰ قودوق داوطلب‌لیگی نی ۳۵ میلیون دالر گه بیردیک.»
کانلر و پترولیم وزیرلیگی مسئوللری نینگ ایتیشلریچه، آمو دریا نفتی حوزه‌سیده ۲۴ قودوق نینگ فعالیتی بار که کونده قازیب چیقریلیش سطحی بیرمینگ ۳۵۰ تُن گه آشگن.
اوشبو وزیرلیک سوزلاوچیسی همایون افغان نینگ ایتیشیچه، اوتگن ایکی هفته‌ده آمو دریا نفتی حوزه‌سیدن ۱۷۰ مینگ تُن خام نفت پروسس مقصد داوطلب‌لیک آرقه‌لی ۹۵ میلیون دالر ارزشی گه نیچه ایچکی شرکت گه ساتیلگن.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «آمو دریا نفتی حوزه‌سیده ۲۴ قودوق فعال دیر که کونده ۱۳۵۰ تُن نفت قازیب چیقریله‌دی و بیزلر امتیازی‌میز ۱۵ فایز و اونینگ صرف-خره‌جتی‌ده حساب بوله‌دی و اونینگ مصرفی بیتگنی‌ده دولت سهمی ۸۰ فایز دیر و اوتگن ایکی هفته‌ده ۱۷۰ مینگ نفت ۹۵ میلیون دالر ارزشی گه ساتیلگن.»
ایتیش کیره‌ک که، آمو دریا نفتی حوزه‌سی نینگ ۴۵۰۰ کیلومتر مساحتی بولیب، جوزجان، سرپل و فاریب شامل اوچ شمالی ولایت‌ده جایلشگن.
