جوزجان ده ایکینچیلردن قطاری نینگ ایتیشلریچه، کیت‌مه-کیت قوروق‌چیلیک‌لر و یامغیر یاغمسلیگی سبب، زیان کورگنلر.
اولر نینگ کوپه‌یتیریشلریچه، موسومی یامغیر یاغمسلیگی، سوو کم‌لیگی و شونینگدیک اوسیم‌لیک آفت‌لری، اوشبو ولایت‌ده آبی و دیمه بوغدای ایکین‌لرینی اورته‌دن کیتگزگن.
جوزجان ده ایکینچیلر نینگ سلام‌وطندار گه ایتیشلریچه، ایکینچیلیک خصوصیده، حاضرگچه حکومت و همکار نهاد‌لر آرقه‌لی هیچ قنده‌ی یاردم صورت تاپمه‌گن.
جوزجان ده ایکینچیلردن بیری ۴۵ یاشر فخرالدین نینگ ایتیشیچه، ۵۰ جریب للمی ییری گه ۲۰۰ سیر بوغدای ایککن و بو ییل، ییری نی تیارلش و بوغدای اوروغی نی ساتیب آلیش اوچون، قریب ۴۰۰ مینگ افغانی صرف‌لگن؛ بیراق اوشبو خره‌جتی نینگ یریمی گه قدر هم محصول قولگه کیلتره آلمه‌گن.
بیزلرنینگ توییترده هم تعقیب قیلینگ!
توقیز کیشی‌لیک عایله سرپرستی بولمیش فخرالدین نینگ کوپه‌یتیریشیچه: «دهقان‌لیک قیله‌من و ۲۰۰ سیر بوغدای ایککن‌من، بیراق ۱۰۰ سیر بوغدای هم قولگه کیلتیرگنیم یوق. اسلام امیر‌لیگی‌دن یاردم بیریشلری نی ایسته‌یمن. قورقچیلیک بار و هیچ نرسه‌میز یوق. بوغدای نی بازار‌دن آلدیم و بیر یوز مینگ افغانی قرض‌دارمن. سکیز-توقیز نان‌خور بار و یالغیز اوزیم ایشله‌یمن.»
باشقه بیر تامان‌دن، جوزجان ده چاروه‌دارلردن قطاری نینگ ایتیشلریچه، کیت‌مه-کیت قوروق‌چیلیک‌لر سبب، چاروه‌لر آوقتی بهاسی کوپه‌یب و اونینگ تیارلش گه کوچلری ییتیشمه‌یدی و چاروه‌لری نی آز بها بیلن ساتیش گه مجبورلر.
چاروه‌دارلر گه کوره، بوندن آلدین هر باش قوی ۱۰-۱۲ مینگ افغانی و هر باش سیگیر ۷۵-۸۰ مینگ افغانی ساتیله‌ر ایدی؛ بیراق حاضر ایسه اونینگ بهاسی کمه‌یگن.
اون تورت ییل‌دن بیری چاروهچیلیک بیلن شغللنگن شکرالله نینگ ایتیشیچه، چاروه‌لری ارزشی بیر میلیون افغانی ایدی، بیراق حاضر ایسه ۵۰۰ مینگ افغانی کمه‌یگن.
اونینگ کوپه‌یتیریشیچه: «چاروه‌لر نی ساتیلیش اوچون بازار گه کیلتیرگن‌میز. قوروقچیلیک بار و هیچ کیم هم کیلمه‌یدی. ۵-۶ مینگ افغانی‌لیک چاروه‌لر نی ۲-۳ مینگ افغانی آله‌دیلر. اوت یوق. هیچ نرسه یوق او یوزدن حیوان‌لر نی ساتیب اون و نرسه آلیش گه مجبورمیز.»
شونینگدیک جوزجان ده ایکینچیلر و چاروه‌چیلر نینگ ادعا قیلیشلریچه، مسئول نهاد‌لر اصلاح بولگن اوروغ‌لر، کیمیاوی کود و اوت نی ترقه‌تیش خصوصیده، «ایکی تور عمل قیله‌دیلر و یاردم‌لر نیازمند کیشی‌لر گه ییتیشمه‌یدی.»
چاروهچیلیک و ایکینچیلیک ایشلری بوییچه ایش بیلرمان‌لریدن قطاری نینگ ایتیشلریچه، جوزجان ده ایکینچیلر و چاروه‌دارلر اوچون، حکومت و یاردم بیرووچی نهاد‌لر آرقه‌لی حمایتی برنامه‌لر یولگه قوییلیشی کیره‌ک.
چاروهچیلیک و ایکینچیلیک ایشلری بوییچه ایش بیلرمانی عبدالرشید نینگ ایتیشیچه: «هر تامان‌دن قره‌گنیمیزده چاروه‌چیلر و دهقان‌لر زیان کورگن. پش‌بینلیک بولگنی گه قره‌گنده وضعیت یخشی بولمه‌یدی؛ بیراق ینه هم امیدیمیز بار.»
بیزلرنینگ فیسبوک صحیفه‌میزگه باش اورینگ!
عین حالده، جوزجان ایکینچیلیک، سووغاریش و چاروهچیلیک ریاستی مسئوللری، اوشبو موضوع نی تصدیق‌لب ایتیشلریچه، اوشبو ولایت‌ده چاروه‌چیلر و ایکینچیلردن حمایت قیلیش اوچون، برنامه‌لری بار و تیزلیککه عمل گه آشیریشلری ممکن.
جوزجان ایکینچیلیک، سووغاریش و چاروهچیلیک رئیسی عبادالله انصار نینگ ایتیشیچه: «جوزجان اهالی‌سی زیان کورگن که، قریب بیر مینگ ۱۰۰ چاروه مذکور ولایت‌ده خوف آستیده قرار تاپگن. اوچ ییل‌دن بیری قوروقچیلیک سبب، چاروه‌دارلر و ایکینچیلر زیریککن و ایکینچیلیک سووی هم یوق.»
ایتیش کیره‌ک که، جوزجان مملکت شمالی‌ده جایلشگن زراعتی ولایت‌لردن که، یشاوچیلریدن کوپینچه‌سی چاروهچیلیک و ایکینچیلیک یولی آرقه‌لی حیات نیازلری نی تامین قیله‌دیلر.
