جوزجان معارف ریاستی مسئوللری نینگ ایتیشلریچه، اوشبو ولایت قوشتیپه تومنی‌ده بیر مکتب قوریلیب و فایده‌لنیش گه تاپشیریلگن.
جوزجان معارف ریاستی صفت‌نی تضمین‌لش بوییچه آمری عبدالاحد رحیمی نینگ ایتیشیچه، قوشتیپه تومنی‌ده قوریلگن اوشبو مکتب محل یشاوچیلری بیلن بیر جمغرمه آرقه‌لی، ایکی میلیون ۶۹۰ مینگ افغانی گه قوریلگن.
بیزلرنینگ فیسبوک صحیفه‌میزگه باش اورینگ!
جناب رحیمی نینگ کوپه‌یتیریشیچه، آلتی درسی صنف، ایکی اداره و بیر تحویل‌خانه‌دن عبارت بولگن اوشبو مکتب نینگ قوریلیشی بیلن، ۴۵۰دن آرتیق اوقووچی گه تینچ بیر فضاده درس اوقیش امکانیتی یره‌تیلگن.
جوزجان معارف ریاستی صفت‌نی تضمین‌لش بوییچه آمری گه کوره، مذکور مکتب نینگ قوریلش خره‌جتی‌دن ایکی میلیون ۴۰۰ مینگ افغانی «محمدقیس ارغندیوال» جمغرمه‌سی و قالگن ۲۹۰ مینگ افغانی ایسه محل یشاوچیلر تامانیدن توللنگن.
شونینگدیک بو مکتب نینگ قوریلیشی اوچون ایکی جریب ییر، قوشتیپه تومنی یشاوچیلری تامانیدن ساوغه قیلینگن.
بیزلرنینگ «ایکس» ترماغی ده هم تعقیب قیلینگ!
شونده‌ی بیرحالده، جوزجان ولایتی قوشتیپه تومنی یشاوچیلری، اوشبو ولایت معارف ریاستی اقدامی‌دن خورسند‌لیک قیلیب و ایتیشلریچه، بو مکتب نینگ قوریلیشی بیلن باله‌لری گه تینچ و مناسب فضاده درس اوقیش زمینه‌سی یره‌تیلگن.
مملکت ولایتلری اینیقسه اوزاق تومنلرده مکتب یوق‌لیگی و تعلیم امکانیت‌سیزلیگی، افغانستان معارف سکتوری نینگ اساسی قیینچیلیک‌لریدن سنه‌لیب و سونگی ییللرده کوپینچه یشاوچیلر و خلق‌ارا یاردم بیرووچی نهادلر، تورلی ولایتلرده مکتبلر نینگ قیته قوریش بیلن معارف وزیرلیگی یانیده بو معمانی کم‌رنگ قیلیش گه سعی-حرکت قیلگنلر.
