جوزجان ولایتی محلی مسئوللری، اوشبو ولایت نینگ آقچه تومنی شهر کهنه نسوان لیسه‌سی نینگ تمل تاشینی قوییش مراسمی ده، اوشبو ولایت ده مکتب‌لر نینگ ستندرد بنالری یوق‌لیگی حاضر هم جدی قیینچیلیک‌لردن سنه‌لیب و بو قیینچیلیک‌نی حل قیلیش مقصدیده سعی‌وحرکت قیله‌یاتگن‌لرینی معلوم قیلگنلر.
جوزجان محلی مسئوللری گه کوره، خرجتی ۷۰ مینگ دالر تخمین ایتیلگن قیزلر گه عاید اوشبو مکتب، تورت جریب ییرده قوریلیب و ییری یشاوچیلر تامانیدن ساوغه قیلینگن.
بیزلرنینگ فیسبوک صحیفه‌میزگه باش اورینگ!
جوزجان معارف باشلیغی محمدطاهر جواد نینگ ایتیشیچه: «بار امکانیت نی مصرف قیلدیک و ۴۰ مینگ اوقووچی ۱۲۷ بناسیز مکتب ده درس اوقیدیلر، مکتب‌لر نینگ بنالری یوق دیر.»
مذکور مراسم ده جوزجان حاکمی گل‌حیدر شفق، معارف، ساغلیک و ایکینچیلیک بولیمیده‌گی قیینچیلیک‌لر حلی اوچون تلاش ایته‌یاتگن‌لریدن ایشانچ بیرگن.
او نینگ کوپه‌یتیریشیچه: «ولایت مقامی هر دایم تعلیم و تربیه، ساغلیک و ایکینچیلیک و باشقه ضرورت‌لر حلی اوچون یشاوچیلر یوزی گه آچیق دیر و مرکز بیلن علاقه ده دیر.»
جوزجان آقچه تومنی یشاوچیلریدن بیرقطاری، شهر کهنه نسوان لیسه‌سی بناسی قوریلیشیدن خورسندلیک قیلیب و اسلام امیرلیگی دن، معارف قیینچیلیک‌لری حلی مقصدیده سعی‌وحرکت قیلیشینی سوره‌یدیلر.
جوزجان ولایتی آقچه تومنی یشاوچیسی سیدمحمد نینگ سلام‌وطندار گه ایتیشیچه: «معارف و باشقه دفترلردن یشاوچیلر قیینچیلیگینی حل قیلیشنی ایسته‌یمیز، اوقووچی باله‌لر کسل بوله‌دی اولر گه مکتب قوریلیشنی ایسته‌یمیز.»
بیزلرنینگ توییترده هم تعقیب قیلینگ!
آقچه تومنی یشاوچیلریدن باشقه بیری عبدالکریم گه کوره: «بیرینچی صنف اوقیتووچیسی‌من بیر صنف ده ۸۲ اوقووچی بار، کوپ قیین چونکه استاد آز دیر و اوقووچیلر کوپ، صنف‌لر استندرد ایمس.»
جوزجان محلی مسئوللری نینگ ایتیشلریچه، مذکور ولایت اهالیسی تامانیدن مکتب قوریش اوچون ییر ساوغه قیلیش جریانی دوام ایتماقده و اوشبو ییل ده ۱۴ مکتب، یشاوچیلر یاردمی بیلن قوریلگن.
