جوزجان ولایتی فیض‌آباد تومنی نینگ «کُشکک» قیشلاغیده، قریب ۲۴ میلیون افغانی خره‌جت بیلن بیر مکتب قوریلیب و فایده‌لنیش گه تاپشیریلگن.
جوزجان قاچقینلر ریاستی مسئوللری نینگ ایتیشلریچه، مذکور مکتب سکیز صنف، تورت اداره، اویین ساحه‌سی و باشقه بیر قطار امکانیت‌لر بیلن، بیرلشگن ملتلر تشکیلاتی نینگ قاچقینلر ایشلری بوییچه عالی کمیساری یا-ده (UNHCR)، نینگ مالی همکارلیگی‌‌گه قوریلگن.
بیزلرنینگ «ایکس» ترماغی ده هم تعقیب قیلینگ!
شونده‌ی بیرحالده، مذکور مکتب نینگ آچیلیش مراسمی‌ده قاچقینلر وزیرلیگی معینی عبدالرحمان راشد، مملکت نینگ اینگ اوزاق منطقه‌لریده‌گی یشاوچیلر گه خذمت ارائه قیلینیشی خصوصیده سوز بیرگن. جناب راشد نینگ ایتیشیچه: «کون اوتیشی بیلن رواجلنماقده‌میز و افغانستان نینگ اینگ اوزاق قیشلاقلریده حاضر ایسه مکتبلر قوریلگن یا-ده قوریلماقده.»
شونینگدیک جوزجان ولایتی حاکمی گل‌حیدر شفق، بو مکتب نینگ قوریلگنی‌دن خورسند‌لیک قیلیب و مملکت نینگ کیله‌جگی بولگن اوقووچیلردن، اوشبو مکتب‌دن درست و یخشی شکلده فایده‌لنیشلری خصوصیده اورغوله‌گن.
بیزلرنینگ فیسبوک صحیفه‌میزگه باش اورینگ!
عین حالده، جوزجان ولایتی فیض‌آباد تومنی نینگ کُشکک قیشلاغی یشاوچیلریدن قطاری، مذکور مکتب نینگ قوریلگنی خصوصیده منت‌دارلیک بیلدیریب و ایتیشلریچه، بوندن آلدین باله‌لری چادرلر یا-ده کرایی اوی‌لرده درس اوقه‌ر ایکن.
