جوزجان ده محلی مسئوللرنینگ ایتیشلریچه، ۲۰۰ اورینلی جوزجان ولایتی کسلخانهسینینگ عاجل بولیمی بناسی ایشی یکونلنیب و فایدهلنیشگه تاپشیریلگن. مذکور بنا ساغلیقنی سقلش وزیرلیگی بودجهسیدن، ستندرد شکلده ۲۷ میلیون افغانی عوضیگه قوریلگن.
جوزجان ساغلیقنی سقلش باشلیغی ذبیحالله حسینینینگ ایتیشیچه، اوشبو کسلخانهنینگ عاجل بولیمی بناسی بیر مینگ ۲۰۰ مترمربع ییرده قوریلیب و بیر پیتده ۲۰ کسلنینگ مراجعت قیلیش امکانیتیگه ایگه دیر.
بیزلرنینگ «ایکس» ترماغی ده هم تعقیب قیلینگ!
جناب حسینیگه کوره، بو بولیمنینگ قوریلیشی و جهازلنیشی یانیده، «امآرآی» و «سیتیسکن» کبی زمانهوی دستگاهلر تامینلنیشی توغریسیده سعیوحرکت بولماقده.
ایتیلیشچه، بو بولیمنینگ آچیلیش مراسمیده، جوزجان حاکمی گلحیدر شفق و بیر قطار دین عالملری شرکت قیلیب و اولر صفتلی خذمتلر کورسهتیلیشی، کسللر بیلن درست یاندهشوو و ساغلیق بولیمی ایشلاوچیلری آرهسیده مسئولیت حسی سقلنیشیگه تاکید قیلگنلر.
بیزلرنینگ فیسبوک صحیفهمیزگه باش اورینگ!
ایتیش کیرهک که، ۲۰۰ اورینلی جوزجان ولایتی کسلخانهسیده اوشبو ولایت مرکزی و تومنلردهگی یشاوچیلرگه طبی خذمت کورسهتیلیشی یانیده، بو کسلخانهگه کونده فاریاب و سرپل کبی قوشنی ولایتلردن هم اونلب کسل مراجعت قیلهدی.
