آلتی باله سرپرستی بولگن فاطمه، ایرتن آخشم گه قدر باله‌لرینی نفقه‌سی و خرجتینی تأمینلش اوچون ایشله‌یدی. او اسلام امیرلیگی مسئوللری دن، تولیدی ایشخانه‌لر ایجاد ایتیب و سوداگر عیاللردن حمایت ایتیش‌لرینی طلب قیله‌دی.
مذکور تولیدی ایشخانه ده ۱۳۰ افغانی عوضی گه ایشلب کیله‌یاتگن عیاللردن باشقه بیری بصیره دیر.
بیزلرنینگ فیسبوک صحیفه‌میزگه باش اورینگ!
او، اوشبو ولایت ده‌گی خاتین قیزلر گه ایش فرصت‌لری یره‌تیلیشی اوستیده تأکیدلب، حاضرگی کونده بیر قطار عیاللر عایله اعضالری نینگ سرپرستی دیر، اولر اوچون تولیدی ایشخانه‌لر گه ایشلش و تیکووچیلیک زمینه‌سی یره‌تیلیشینی سوره‌یدی.
شبرغان شهری ده اوشبو ایشخانه ایگه‌سی معلم گلبدین گه کوره، کمبغل و سرپرست‌سیز عیاللرنی قوللب_قوتلش اوچون، مذکور تولیدی ایشخانه‌نی خاتینی و کیلینی گه تاپشیرگن. او نینگ ایتیشیچه، اوشبو پاپر پیشیریش ایشخانه ده یوز دن آرتیق عیال ایش بیلن تأمینلنگن و کوپراق سرمایه یاتقیزیش بیلن باشقه کمبغل و سرپرست‌سیز عیاللر گه ایش زمینه‌سینی یره‌تیش اوچون تلاش قیلماقده دیر.
جوزجان صناعت و سوداگرلیک آمریتی مسئوللری گه کوره، ۲۰ سوداگر و متشبث عیال اوشبو ریاست دن رسمی روشده ایش جوازینی آلگنلر و عیاللرنی قوللب_قوتلش و اولر گه ایش زمینه‌لرینی یره‌تیش اوچون فعالیت قیله‌دی.
بیزلرنینگ توییترده هم تعقیب قیلینگ!
جوزجان صناعت و سوداگرلیک آمری نیازمحمد تواب نینگ ایتیشیچه، کونسه‌یین تولیدی و تیکووچیلیک ایشخانه‌لرده عیاللر حضوری کوپه‌یماقده شونی اوچون، خاتین قیزلرنی قوللب_قوتلش مقصدیده ایریم ریجه‌لرنی نظرگه آلگنلر.
جوزجان صناعت و سوداگرلیک آمریتی نینگ معلوماتی اساسیده، حاضرگی کونده مذکور ولایت ده ۳۵۰۰ خاتین قیز، تولیدی و تیکووچیلیک ایشخانه‌لرده فعالیت قیلیب کیلماقده‌لر.
