جوزجان پولیس سوزلاوچیسی عبدالستار حلیمی نینگ ایتیشیچه، اوشبو ولایت‌ده تیل تانکی‌ده یوز بیرگن یانغین سبب، بیر کیشی اولیب و ایکی کیشی ایسه یره‌لنگن.
جناب حلیمی نینگ کوپه‌یتیریشیچه، مذکور یانغین بوگون (جمعه، ۱۹-جوزا)، ایرتنگ چاغی ساعت ۳:۴۰ اطرافیده، اوشبو ولایت مرکزی شبرغان شهری نینگ اندخوی بندری‌ده ییرلشگن تیل تانکی‌ده یوز بیرگن.
جوزجان پولیس سوزلاوچیسی، مذکور حادثه سببی نی، احتیاط‌سیزلیک عنوان قیلگن.
ایتیلیشچه، اوشبو حادثه تیل تانکری نینگ «علمیار بیات» تیل تانکی گه بوشه‌تیش چاغیده احتیاط‌سیزلیک سبب، یوز بیرگن که نتیجه‌ده، علمیار تیل تانکی ایشلاوچیلریدن بیری هلاک بولیب و باشقه ایکی ایشلاوچیسی ایسه یره‌لنگن.
علمیار بیات تیل تانکی ایگه‌سی زبیر علمیار نینگ ایتیشیچه، مذکور یانغین‌ده اوشبو تیل تانکی یانیب و ایکی یوز مینگ دالر‌لیک زیان یتیشگن.
شونده‌ی بیرحالده، شبرغان یشاوچیلریدن قطاری نینگ ایتیش‌لریچه، مذکور یانغین تیل تانکرلری نینگ پارتلشی بیلن باشلنیب و تورت ساعت دوام تاپگن.
