جاپاننینگ آی ولایتی گه قرهشلی تویوآکه شهریده اهالینینگ هوشمند تلفون و لپتاپدن فایدهلنیش وقتینی چېکلش بوییچه ینگی تشبث عملگه آشیریلدی.
بو حقده تایم نشری ۱۹-میزان، شنبه کونی ترقهتگن بیانیهسیده خبر بیردی.
قرار، اوشبو شهر بلدیه باشلیغی ماسافومی کوکی تامانیدن ایلگری سوریلگن بولیب، مقصد آدملر اورتهسیده جانلی ملاقاتنی کوچهیتیریش و ساغلام اویقو عادتلرینی یولگه قوییش.
توصیه گه کوره، ایش و اوقیشدن بوش وقتده فقرالر هوشمند تلفون یا که پلنشیتدن کونیگه ایکی ساعتدن آرتیق فایدهلنمسلیکلری کېرهک. بو چېکلاو مجبوری اېمس فقط اۉزینی اۉزی نظارت قیلیشنی رغبتلنتیرهدی.
اونینگ تأکیدلشیچه، سۉنگی ییللرده ایکرنگه (صفحه) باغلیقلیک انسانلر آرهسیده ملاقاتنی ضعیفلشتیرماقده.
متخصصلر هم بو فکرنی قۉللب-قوتلهگن، ایکرن قرشیسیده اوزاق وقت اوتیریش ملاتونین مقدارینی کمهیتیرهدی، اویقو و ایش قابلیتیگه سلبی تأثیر کورستهدی. شو بیلن بیرگه، اجتماعی ترماقلر گه چقور بوریلیب کیتیش تشویش و اضطرابنی کوچهیتیرهدی.
قبول قیلینگن حجتده باشلنغیچ صنف اوقووچیلری محلی وقت بیلن ساعت ۹:۰۰ دن کېین، کتتهلر اېسه ساعت ۱۰:۰۰ دن سۉنگ تلفوندن فایدهلنمسلیکلری توصیه ایتیلگن. قرار محلی کینگشده ۱۲ ته آواز بیلن یاقلب، ۷ ته قرشی آواز بیلن قبول قیلینگن.
شهر اهالیسی بو تشبث گه تورلیچه مناسبتده بولدی؛ ایریملر اونی فایدهلی دیب حسابلسه، باشقهلر بو عملی جهتدن قیین» دیب بهالهگن.
