امر معروف و نهی منکر وزیرلیگی، ینگی‌لیکده اوشبو وزیرلیک افغانستان بویلب «جادوگرلر» (تعویذ یازووچیلر) نینگ آلدینی آلیب و اسلام قاعده‌لری گه قرشی فعالیت آلیب باره‌یاتگن جادوگرلر قولگه آلینیب و محکمه گه تانیشتیریلیشینی معلوم قیلگن.
امر معروف و نهی منکر وزیرلیگی سوزلاوچیسی عاکف مهاجر نینگ سلام‌وطندار گه ایتیشیچه، پایتخت کابل و قطار ولایت‌لر اهالیسی نینگ شکایت‌لریدن کیین، اوشبو وزیرلیک رهبریتی جادوگرلرنی قولگه آلیشگه قرار قیلگن.
بیزلرنینگ فیسبوک صحیفه‌میزگه باش اورینگ!
او نینگ کوپه‌یتیریشیچه: «کوپ سانده ولایت اهالیسی شکایت قیلر ایدیلر، بیر قطار ولایت‌لرده اوشبو کیشی‌لر جادوگرلیک قیلیشنی انیقله‌دیک، شونی اوچون وزارت رهبریتی؛ بو ایش جدی ایزله‌نیب و جادوگرلر آلدی آلینیشی گه قرار قیلدی.»
امر معروف و نهی منکر وزیرلیگی نینگ اوشبو قراری، اولکه یشاوچیلری اینیقسه یاش‌لر تامانیدن خوش قرشی‌لنگن. اولر نینگ ایتیشلریچه، کوپ سانده جادوگرلر یالغان سوزلری بیلن یشاوچیلرنی الده‌ب پولینی آله‌دیلر.
کابل شهری یشاوچیسی سیدالله نینگ ایتیشیچه: «جادوگرلر ییغیلیشی یخشی آدیم دیر، بولر نیمه ایش قیلیشنی بیلمه‌یمیز، بیر قطار کیشی‌لر اولر نینگ سوزلری گه ایشانه‌دی، حیات‌لریده اینگ کیچیک معما تاپیلسه اولر نینگ آلدی گه باریب و کوپ مقدار ده پول مصرف قیلیشه‌دی.»
کابل شهری یشاوچیلریدن باشقه بیری ویس‌الدین گه کوره: «بو قرارنی خوش قرشی له‌یمیز، بولر یشاوچیلر نینگ پولینی ناحق آله‌دی ییغیلیشی کیره‌ک، یشاوچیلر اوز پول‌لرینی مصرف قیلمه‌ی و اولر نینگ سوزلری گه ایشانمسلیگی کیره‌ک.»
بیزلرنینگ توییترده هم تعقیب قیلینگ!
کابل شهری ده خاتین قیزلردن بیرقطاری گه کوره، ایرکک‌لر گه نسبتن عیاللر کوپراق جادوگرلر آلدی گه باره‌دیلر، چونکه جادوگرلر اولر نینگ قیینچیلیکلرینی حل قیلیش گه ایشانیشه‌دی.
کابل شهرنو یشاوچیسی وژمه گه کوره: «اوشبو کیشی‌لر آلدی گه کوپ سانده عیاللر باره‌دی، هر بیر کیشی دن ایکی-اوچ مینگ آله‌دی، سوزلری یالغان دیر. بو کبی انسان‌لر جمعیت دن استه-سیکین ییغیلیشینی خوش قرشی له‌یمیز.»
امر معروف و نهی منکر وزیرلیگی گه کوره، اسلام قاعده‌لری اساسیده فعالیتی بولگنلر بیلن قیینچیلیگی یوق لیکن مذکور کیشی‌لردن قطاری اوشبو یول بیلن تجارت قیله‌دیلر.