اسلام امیرلیگی تشقی ایشلر وزیرلیگینینگ اوچینچی سیاسی باشلیغی ذاکر جلالیگه کوره، افغانستان و امریکا محبوسلر موضوعسی حلی و باشقه ساحهلرده مذاکرهلرنی دوام بیرماقچین.
او، بوگون (۷-میزان، دوشنبه)، اکس صحیفهسیده یازیشیچه، اسلام امیرلیگی و امریکا آرهسیده یوقاری سطحده ییغیلیشلر اوتکزیلیشی و محبوسلر قوییب یوباریلیشی، باشقه ساحهلرده مناسبتلر کوچهیشی اوچون امکانیت یرهته آلهدی. «ایکی تامان محبوسلر موضوعسینینگ حل بولینیشی و باشقه ساحهلرده مذاکرهلرنی دوام بیریشگه قرار آلگنلر.»
تشقی ایشلر وزیرلیگی اوچینچی سیاسی باشلیغینینگ کوپهیتیریشیچه، حقیقتلرنی بیلیش و ایکی تاماننینگ حساسیتلری، تعاملنینگ کیینگی باسقیچلریگه یاردم بیره آلهدی.
امریکا جمهور باشلیغینینگ قماقخانه ایشلری بوییچه مخصوص وکیلی آدام بولر، اوتگن کون کابل گه کیلیب و تشقی ایشلر وزیری امیرخان متقی بیلن اوچرهشگن. اوشبو اوچرهشوودن کیین، تشقی ایشلر وزیرلیگینینگ اعلام قیلیشیچه، «امیر امیری» اسملی امریکا یشاوچیلریدن بیری حبسدن آزاد بولگن.
