اسلام امیرلیگی تشقی ایشلر وزیرلیگینینگ اوچینچی سیاسی باشلیغی ذاکر جلالیگه کوره، وضعیت آرام بولیشی اوچون مدافعه چاره-تدبیرلر و خوفسیزلیک کوچلرینینگ اقداملری بیلن بیرگه، فعال دیپلماسی هم جدی شکلده دوام ایتیریلماقده.
جلالی، بوگون ایرتهلب (۹-حوت/ ۲۸-فبروری، شنبه)، اکس صحیفهسیده یازیشیچه: «مملکتنینگ دیپلماتیک سعیوحرکتلری شونی کورستهدی که، ملی خوفسیزلیک و منفعتلرنی حمایه قیلیش اوچون برچه قانونی و مسئولیتلی واسطهلر، بیر پیتده و اویغون طرزده قوللنیهدی.»
اونینگ کوپهیتیریشیچه، فعال دیپلماسینی دوام ایتیریش اوچون تشقی ایشلر وزیری امیرخان متقی، تورکیه، قطر و سعودی عربستان تشقی ایشلر وزیرلری بیلن اسلام امیرلیگینینگ رسمی اورنی حقیده صحبت قیلگن.
جلالینینگ اورغولشیچه، مذکور مملکتلر اسلام امیرلیگی و پاکستان آرهسیدهگی مذاکرهلر جریانیده مهم رول اوینهب و شونینگدیک سعیوحرکتلریگه دوام بیرهدیلر.
اسلام امیرلیگی و پاکستان آرهسیده توقنشوولر، ایکی کونده هم دوام قیلماقده و مملکتلردن قطاری ایکی تاماندندن، آتیش کیسین قیلیشلرینی سورهگنلر.
