افغانستان ده بیرلشگن ملتلر تشکیلاتی خلقارا آزیق-آوقت دستوری نینگ اعلام قیلیشیچه، افغانستان ده ۱۲ میلیوندن آرتیق کیشی کیینگی آوقتی نی قهییردن قولگه کیلتیریشنی بیلمهیدی.
اوشبو نهاد بوگون (سهشنبه، ۲۷-سنبله)، اوز اکس صحیفهسیده بیر بیانیه ترقهتیب یازیشیچه، افغانستان ده قریب تورت میلیون باله، چقهلاق و سوت بیرهدیگن آنه توییب آوقتلنمسلیککه چلینگن.
بیزلرنینگ «ایکس» ترماغی ده هم تعقیب قیلینگ!
بیرلشگن ملتلر تشکیلاتی خلقارا آزیق-آوقت دستوری نینگ کوپهیتیریشیچه، کیلهسی آلتی آیده فعالیتلری دوامی اوچون ۶۷۷ میلیون دالر عاجل بودجه گه نیازی بار.
بوندن آلدین هم بیرلشگن ملتلر تشکیلاتی گه تیگیشلی نهادلر، جاری میلادی ییلده افغانستان ده ۲۳ میلیون ۷۰۰ مینگ کیشی جملهده ۱۲ میلیون ۳۰۰ مینگ باله نینگ انسانپرورلیک یاردملر گه نیازی بولگنی نی اعلام قیلگن ایدی.
بیزلرنینگ فیسبوک صحیفهمیزگه باش اورینگ!
بوندن آلدین افغانستان ده بیرلشگن ملتلر تشکیلاتی نینگ انسانپرورلیک یاردملر نی هماهنگ قیلووچی دفتری (اوچا) ایتگن که، افغانستان دهگی کمبغل کیشیلر گه یاردم ییتکزیش اوچون اوچ میلیارد ۶۰۰ میلیون دالر گه نیازی بار؛ بیراق اوشبو ایستهلگن بودجهدن یالغیز ۲۵ فایزینی قولگه کیلتیرگن.
