بیرلشگن ملتلر تشکیلاتی جنایت و بنگیوار مادهلرگه قرشی کورهش ادارهسینینگ اعلام قیلیشیچه، ایتالیا افغانستاننینگ جبرلنهدیگن یاشلری و عیاللرینی قانونی درآمد امکانیتلریدن فایدهلنیشینی قوللب-قوتلش مقصد، بیر میلیون یورو اختصاص بیرگن.
بیرلشگن ملتلر تشکیلاتینینگ اوشبو نهادی، بوگون (۲۳-جدی، سهشنبه)، بیر بیانیه آرقهلی یازیشیچه، ایتالیانینگ ینگی مالی یاردمی «قانونی درآمد امکانیتلرینی کینگهیتیریش آرقهلی افغانستانلیک عیاللر و یاشلرنینگ آسایشتهلیگینی آشیریش» لایحهسینینگ ایکینچی باسقیچی دایرهسیده، هرات و ننگرهار ده آلتی مینگ ۷۹۷ عیال و یاش اوچون بدیل تیریکچیلیک منبعلرینی قوللب-قوتلشگه صرفلنهدی.
بیرلشگن ملتلر تشکیلاتی جنایت و بنگیوار مادهلرگه قرشی کورهش ادارهسینینگ کوپهیتیریشیچه، ۲۰۲۴-ییل دسمبر آییده بو لایحهنینگ باشلهنیشی بیلن، هرات و ننگرهار ولایتلرینینگ بیش تومنیدهگی ۹۳ قیشلاقده، بوندن آلدین خشخاش ییتیشتیرگن دهقانلردن عبارت جبرلنهدیگن ۱ مینگ ۵۱۴ عایله اوچون قانونی و برقرار درآمد امکانیتلریگه ایریشیش شرایطی یرهتیلگن.
بیانیهده کیلیشیچه، لایحهنینگ ایکینچی باسقیچی بدیل ایکین ییتیشتیریلیشی کوپهیشی اینیقسه یوقاری اقتصادی ارزش بدیلی صفتیده هرات ده زعفران و ننگرهار ده رُز گلی ایکیلیشیگه اعتبار قرهتیشی ممکن.
