لبنان ساغلیق‌نی سقلش وزیرلیگی نینگ اعلام قیلیشیچه، اوشبو مملکت گه اسرائیل آرقه‌لی اویوشتیریلگن هوایی هجوم‌ده، ۲۱ کیشی قربان بولیب و سکیز کیشی ایسه یره‌لنگن.
الجزیره خبری ترماغی نینگ گزارش بیریشیچه، اسرائیل اردوسی اوتگن کون (دوشنبه، ۲۳-میزان)، لبنان شمالی‌ده جایلشگن «ایطو» قیشلاغی گه هوایی هجوم اویوشتیرگن.
بیزلرنینگ فیسبوک صحیفه‌میزگه باش اورینگ!
گزارش اساسیده، اسرائیل و حزب‌الله لبنان آره‌سیده توقنشوولر نینگ باشلنگنی‌دن بیری، «ایطو» قیشلاغی بیرینچی مرته اسرائیل نینگ هوایی هجومی آستیده قرار تاپگن.
باشقه بیر تاماندن، اسرائیل باش وزیری بنیامین نتانیاهو نینگ اعلام قیلیشیچه، لبنان بویلب حزب‌الله نینگ «شفقت‌سیز» نشان گه آلیش‌گه دوام بیره‌دی. اونینگ ایتیشیچه: «برچه نرسه عملیاتی فکرلری گه اساس‌لنگن. بو موضوع نی سونگی کونلر ثابت قیلگن‌میز و کیله‌سی کونلر هم ثابت قیلیشیمیز ممکن.»
بیزلرنینگ «ایکس» ترماغی ده هم تعقیب قیلینگ!
حزب‌الله لبنان اسرائیل جنوبی حدودلری «بنیامینه» شهریده حربی بیر پایگاه‌‌ده اوچووچی‌سیز اوچاق آرقه‌لی هجوم اویوشتیرگنی بیرحالده، اسرائیل لبنان شمالی گه هجوم قیلگن. معلومات‌لر گه کوره، حزب‌الله نینگ مذکور مملکت گه هجومی عاقبتیده اسرائیل‌لیک تورت عسکر هلاک بولگن.
