فلسطین ساغلیق‌نی سقلش رسمی‌لری‌نینگ اعلام قیلیشلریچه، اسرائیل آرقه‌لی غزه‌نینگ بیر قطار بولیم‌لری‌گه اویوشتیریلگن هجوملر نتیجه‌سیده، کمیده ۳۸ کیشی قربان بولیب و بیر قطار کیشی ایسه یره‌لنگن.
خلق‌ارا ییتکرمه‌لر‌نینگ گزارش بیریشیچه، مذکور کیشی‌لر اوتگن کونی اسرائیل کوچلری آرقه‌لی غزه‌نینگ تورلی بولیم‌لری نشان‌گه آلینگنی عاقبتیده قربان بولگنلر.
بیزلرنینگ «ایکس» ترماغی ده هم تعقیب قیلینگ!
گزارشلر اساسیده، بو کیشی‌لردن ۳۰ ته‌سی غزه جنوبی‌‌گه اسرائیل کوچلری‌نینگ اویوشتیرگن هجوملریده قربان بولگن.
بو بیلن بیرگه، فلسطین‌لیک آواره‌لر اوچون بیرلشگن ملتلر تشکیلاتی‌نینگ یاردم بیرووچی آژانسی (آنروا)، غزه گه اسرائیل هجوملری قیته باشلنگنی‌دن کیین، کونده فلسطین‌لیک ۱۰۰ باله‌نینگ اولیب یا-ده یره‌لنیشی‌‌نی معلوم قیلگن.
بیزلرنینگ فیسبوک صحیفه‌میزگه باش اورینگ!
اسرائیل ۱۸-مارچ، امریکا‌نینگ آتیش کیسین تکلیفی قبول قیلینیشی و گروگه آلینگن‌لر‌نینگ آزاد بولینیشی اوچون حماس‌‌گه باسیم کیلتیریش مقصد، غزه گه هجوم‌لری‌نینگ ینگی باسقیچی‌نی باشله‌گن.
فلسطین ساغلیق‌نی سقلش وزیرلیگی‌نینگ معلوماتی اساسیده، اسرائیل و حماس آره‌سیده اوروش باشلنگنی‌دن بویان، فلسطین‌لیک ۵۰ مینگ ۶۰۹ کیشی قربان بولیب و ۱۱۵ مینگ ۶۳ کیشی یره‌لنگن. شونینگدیک بو مدت‌ده، اسرائیل‌لیک بیر مینگ ۱۳۹ کیشی هلاک بولگن.
