فلسطین ساغلیق‌نی سقلش وزیرلیگی‌نینگ اعلام قیلیشیچه، اسرائیل آرقه‌لی غزه‌نینگ بیر قطار بولیم‌لری‌گه اویوشتیریلگن ینگی هجوملر نتیجه‌سیده، کمیده ۲۰۰ کیشی قربان بولیب و ۲۰۰دن آرتیق کیشی یره‌لنگن.
اوشبو وزیرلیک‌نینگ کوپه‌یتیریشیچه، مذکور کیشی‌لر بوگون ایرته‌لب اسرائیل اردوسی‌نینگ غزه شمالی، دیرالبلاح منطقه‌سی، خان‌یونس، رفح شهری و نوار غزه جنوبی‌گه اویوشتیرگن هوا هجوملریده اولیب و یره‌لنگن.
بیزلرنینگ فیسبوک صحیفه‌میزگه باش اورینگ!
بو وزیرلیککه کوره، اسرائیل هجوملری نتیجه‌سیده قربانی‌لردن کوپینچه‌سینی باله‌لر و عیاللر تشکیل بیره‌دی.
خلق‌ارا ییتکرمه‌لر‌نینگ گزارشی بیریشیچه، اسرائیل باش‌وزیری بنیامین نتانیاهو و بو مملکت مدافعه وزیری اسرائیل کاتز، نوار غزه گه کینگ کولملی هجوملر اویوشتیریلیش بویروغی‌نی بیرگن.
اسرائیل باش‌وزیری، بیر بیانیه آرقه‌لی اعلام قیلیشیچه، بو مملکت، حماس‌نینگ گروگه آلینگنلر آزاد بولیشی‌گه قرشی چیقیشی و آتیش کیسین کیلیشووی ایکینچی باسقیچی حقیده امریکا ریجه‌سی‌نینگ قبول قیلمه‌گنی سبب، غزه گه هجوم‌لری‌نینگ ینگی باسقیچی‌نی قیته باشله‌گن. اونینگ کوپه‌یتیریشیچه: «شو پیت‌دن باشله‌ب اسرائیل حماس گه قرشی هجوم‌لرینی باشله‌یدی و حربی قدرتی‌دن فایده‌لنه‌دی.»
اسرائیل‌نینگ اعلام قیلیشیچه، نوار غزه‌نینگ تورلی بولیم‌لری‌ده اونلب جای‌نی نشان‌گه آلگن.
اسرائیل‌نینگ بوگون اویوشتیرگن هجوملری، جاری میلادی ییل ۱۹-جنوری و غزه ده آتیش کیسین برقرار بولگنی‌دن کیین، بو مملکت گه اویوشتیریلگن اینگ بویوک هجوم دیر.
بیزلرنینگ «ایکس» ترماغی ده هم تعقیب قیلینگ!
حماس، اسرائیل‌نی آتیش کیسین کیلیشووی‌نینگ نقض قیلینگنی‌گه عیب‌لب و ایتیشیچه، بو مملکت گروگه آلینگن ۵۹ اسرائیل‌لیک‌نینگ تقدیرینی نابیللی قویگن.
بو هجوملر، حماس بیلن اسرائیل نماینده‌لری قطر ده آتیش کیسین کیلشووی‌نینگ ایکینچی باسقیچی‌گه کیریش اوچون مذاکره‌لر باشلنیشی‌گه سعی‌وحرکت قیله‌یاتگنلری بیرحالده، عمل‌گه آشیریلگن.
