خلق‌ارا یېتکرمه‌لر نینگ معلوماتی اساسیده، غزه ده اسرائیل حربی کوچلری نینگ هوا هجوملری عاقبتیده ۴۸ کیشی هلاک بولیب و باشقه ۱۰۰ دن آرتیق کیشی یره‌لنگن.
معلومات‌لر گه کوره، اسرائیل حربی کوچلری ۳-حوت، پنج‌شنبه کیچه، غزه ده یشش بیر منطقه ده هجوم اۉیوشتیرگن.
بیزلرنینگ فیسبوک صحیفه‌میزگه باش اورینگ!
اوشبو هجوم‌لر عاقبتیده قربان بولگنلر نینگ ۹۰ فایز دن آرتیغینی عیاللر و باله‌لر تشکیل بیره‌دی.
عین‌حالده، بیرلشگن ملتلر تشکیلاتی نینگ باش کاتبی آنتونیو گوترش، ېنه بیر مراتبه غزه ده آتیش کېسین برقرار ایتیلیشینی سۉره‌گن.
گوترش جنابلری اوتگن کون ایکس اجتماعی صحیفه‌سیده، غزه شمالی ده ایکّی یاشنی تولدیرمه‌گن هر آلتی باله دن بېری، توییب آۉقت‌لنمسلیکّه چلینگنینی معلوم قیلگن.
اونینگ کوپه‌یتیریشیچه، غزه ده محتاج کیشی‌لر گه یاردم کورسه‌تیش مقدارینی آشیریش اوچون یگانه یېچیم یول انسان‌دوستانه آتیش‌کېسین برقرار ایتیلیشی دیر.
بیزلرنینگ «ایکس» ترماغی ده هم تعقیب قیلینگ!
فلسطین رسمی‌لری، دنیا هجمعیت نی اسرائیل هجوملری مسئولی بیله‌دیلر. اولر فلسطین‌لیک تینچ اهالی اېنیقسه عیاللر و باله‌لر نینگ نسل‌کش‌لیگی گه چېک قوییلیشینی سوره‌یدیلر.
غزه بحرانی اوتگن میلادی ییل ۷-اکتوبر ده حماس گروهی نینگ اسرائیل گه هجوم قیلیشی بیلن باشلندی و اوشبو شهر ده ایکّی تامان آره‌سیده دوام اېتیب کیله‌یاتگن اۉروش ده حاضرگچه فلسطین‌لیک عیاللر و باله‌لر شامل ۲۹ مینگ ۹۲ کیشی قربان بولیب و باشقه ۶۹ مینگ کیشی یره‌لنگن.
