تورکیه، اسرائیل نینگ غزه ده آتش کیسین برقرار ایتیلیش گه دایر طلب‌لر گه اعتبار بیرمس دن هجوملری گه دوام بیریشی اوچون، شنبه کونی، ۱۳-عقرب/۴ نومبر، اسرائیل پایتختی تل‌آویو دن اوز ایلچیسی نی چقیریب آلگن.
تورکیه تشقی ایشلر وزیرلیگی گه کوره، اسرائیل ده اوشبو مملکت نینگ ایلچیسی شاکر اوزکان تورونلار، غزه ده اسرائیل نینگ هجوملری خصوصیده مصلحت قیلیش اوچون چقیریلگن.
بیزلرنینگ فیسبوک صحیفه‌میزگه باش اورینگ!
معلومات‌لر گه کوره، تورکیه جمهور باشلیغی هم غزه باریکه‌سیده اسرائیل نینگ هجوملری طفیلی اوشبو مملکت باش وزیری بنیامین نتانیاهو بیلن علاقه‌سینی کیسیشنی اعلام قیلگن.
اسرائیل حربی کوچلری، ۷ اکتوبر ده حماس نینگ اسرائیل گه هجوم قیلیشی گه قرشی اوشبو مملکت حربی کوچلری قریب بیر آی دن بیری ییر و هوا دن غزه نی بمباردمان قیلیب کیلماقده.
اسرائیل دولتی، غزه ده آتش کیسین اعلام قیلیش برچه طلب‌لر گه اعتبار بیرمس دن، غزه باریکه‌سیده حماس گه قرشی هجوملری گه دوام بیرماقده.
بیزلرنینگ «ایکس» ترماغی ده هم تعقیب قیلینگ!
ینگی‌لیک ده، اسرائیل هوایی کوچلری بیرلشگن ملتلر تشکیلاتی قاچقین‌لری گه تیگیشلی بیر مکتب، بیر آمبولانس همده قاچقین‌لر اردوگاه‌سینی نشانگه آلیب و نتیجه ده اونلب کیشی نینگ اولیب و یره‌لنیشی گه سبب بولگن.
فلسطین ساغلیق‌نی سقلش وزیرلیگی، غزه ده اسرائیل نینگ هجوملری دن بیری توقیز مینگ ۴۸۸ کیشی جمله دن اوچ مینگ ۹۰۰ ته‌سی باله‌لر دیر قربان بولگنینی اعلام قیلگن.
