خلق‌ارا ییتکرمه‌لر‌نینگ گزارش بیریشیچه، اسرائیل باش وزیری بنیامین نتانیاهو، خلق‌ارا جنایت محکمهسی آرقه‌لی قولگه آلینیش حکمی بیریلگنی بیلن، بوگون (۳-اپریل/۱۴-حمل)، تورت کون‌لیک بیر سفر‌ده مجارستان گه کیته‌دی.
رویترز آژانسی‌نینگ گزارشی اساسیده، نتانیاهو بوداپست ده مجارستان باش وزیری ویکتور اوربان بیلن اوچره‌شیب و کیین ایسه ایکی تامان قوشمه خبری بیر ییغیلیش‌گه شرکت قیلیشلری ممکن.
بیزلرنینگ «ایکس» ترماغی ده هم تعقیب قیلینگ!
مجارستان خلق‌ارا جنایت محکمه‌سی‌نینگ اساسچی اعضاسی صفتیده، نظری جهت‌دن اوشبو محکمه قرارلری‌نی اجرا قیلیش، تعقیب آستیده‌گی کیشی‌لرنی قولگه آلیش و تاپشیریش‌گه مکلف دیر.
لیکن مجارستان باش وزیری‌گه کوره، نتانیاهو حقیده خلق‌ارا جنایت محکمه‌سی‌نینگ قراری‌گه حرمت قایل بولمه‌ی و اونی قولگه آلمه‌یدی.
بو، خلق‌ارا جنایت محکمهسی تامانیدن حبس‌گه آلینیش حکمی بیریلگنی‌دن کیین، اسرائیل باش وزیری‌نینگ اوشبو محکمه‌گه اعضا بولمیش مملکت‌گه قیله‌دیگن بیرینچی سفری حساب‌لنه‌دی.
او، بو حکم‌نینگ صادر بولگنی‌دن کیین امریکا گه هم سفر قیلیب، مذکور مملکت جمهور باشلیغی دونالد ترامپ بیلن اوچره‌شیب و صحبت قیلگن؛ لیکن امریکا خلق‌ارا جنایت محکمهسی اعضاسی ایمس دیر.
خلق‌ارا جنایت محکمهسی، اوتگن ییل نوامبر آیی‌ده، اسرائیل باش وزیری بنیامین نتانیاهو و اوشبو مملکت سابق مدافعه وزیری یو آف گالانت‌نینگ غزه ده اوروش جنایتلری‌نی انجام بیریش‌گه عیب‌لب، قولگه آلینیش حکمینی صادر قیلگن ایدی.
بیزلرنینگ فیسبوک صحیفه‌میزگه باش اورینگ!
ویکتور اوربان بو حکم‌نینگ صادر بولگنی‌دن بیر کون سونگ، مجارستان گه سفر قیلیش اوچون اسرائیل باش وزیری‌نی چقیریب و بو حکم گه اعتبار بیرمه‌گنی‌نی معلوم قیلگن.
اسرائیل خلق‌ارا جناست محکمهسی حکمینی سیاسی فکرلرگه اساسلنگن دیب بهاله‌گن.
