فلسطیندهگی منبعلر، اسرائیل اردوسینینگ غزه ایریم حدودلریده اویوشتیرگن هجوملری عاقبتیده چمهسی ۶۵ کیشی هلاک بولیب و باشقه اونلب کیشی یرهلنگنینی بیلدیرگنلر.
الجزیره یېتکرمهسی، اوشبو کیشیلر ۲۱-سنبله، جمعه کونی اسرائیل اردوسینینگ غزه ایریم حدودلریده اویوشتیرگن هوا هجوملریده هلاک بولگنینی معلوم قیلگن.
گزارش گه کوره، اوشبو کیشیلرنینگ ۴۸ نفری اسرائیل اردوسی تامانیدن محاصره قیلینگن غزه شهری و بو منطقهنینگ شمالیده اویوشتیریلگن هجوملرده هلاک بولگنلر.
اسرائیل هم ایکس صحیفهسیده بیر بیانیه ترقهتیب، اوتگن هفته دوامیده غزه شهریده ۵۰۰ نشانگه هجوم قیلینگنینی بیلدیرگن. بو مملکت غزه شهریدن قریب بیر میلیون کیشینی کوچیریش اوچون عملیاتیگه دوام ایتیریشنی تأکیدلهگن.
باشقه تاماندن، حماس اسرائیلنینگ غزه گه هجوملرینی قارهلب و اونی خلقارا قاعدهلرنی بوزیش اتهگن. بو حرکت شونینگدیک دنیا همجمعیتنینگ سکوتیدن تنقید قیلیب و دنیانینگ اسرائیل گه قرشی چاره کورمسلیگی بو مملکتنی ېنهده جسورلشتیرهیاتگنینی همده فلسطینلیکلرنینگ قیرغین قیلیش و اولرنی مجبوری کوچیریشگه آلیب کیلیشی حقیده آگاهلنتیرگن.
اسرائیل و حماس اورتهسیده توقنشوولر باشلنگنیدن قریب ایکّی ییل اوتماقده و اوشبو وقت دوامیده ۶۴ مینگدن آرتیق فلسطینلیک هلاک بولیب و ۱۶۳ مینگدن آرتیق کیشی یرهلنگن. اسرائیل هم حماس بیلن توقنشوولرده مینگدن آرتیق یشاوچیسینی قولدن بیرگن.
