لبنان جنوبیگه اسرائیلنینگ اویوشتیرگن هوا هجوملری نتیجهسیده، کمیده ۱۴ کیشی قربان بولیب و بیر قطار کیشی یرهلنگن.
الجزیرهنینگ اوتگن کون کیچ قورون (۲۱-حمل/ ۱۰-اپریل، جمعه)، گزارش بیریشیچه، یاردم بیرووچی کوچلر آرقهلی حاضرگچه ویرانهلر آستیده قالگن کیشیلرنینگ اختریلیشی دوام قیلیب و قربانلر سانینینگ کوپهیشی ممکن.
لبنان جمهور باشلیغی جوزف عوننینگ اعلام قیلیشیچه، اسرائیل «نبطیه» شهریده دولتی بیر بنانی نشانگه آلگن که نتیجهده، خوفسیزلیک کوچلریدن ۱۳ تهسی قربان بولگن. او، مذکور هجوملرنی قارهلب و ایتیشیچه، دولتی نهادلرنینگ نشانگه آلینیشی، لبناننی اوز حاکمیتینینگ حمایه قیلیشدن توختته آلمهیدی.
اونگه جواب، حزبالله اسرائیلنینگ شمالی شهریلریگه راکته آتیب، مذکور هجوملرنینگ «اسرائیل و امریکا هجوملری» توختهتیلیشیگه قدر دوام قیلیشینی معلوم قیلگن.
اوشبو توقنشوولر، آتیش کیسین برقرار بولیشی اوچون دیپماتیک سعیوحرکتلر جدی توسیقلر بیلن روپهره بولگنی بیرحالده، دوام قیلماقده.
لبنان ساغلیقنی سقلش وزیرلیگینینگ معلوماتی اساسیده، اسرائیل هجوملریده حاضرگچه کمیده بیر مینگ ۹۵۳ کیشی اولیب و ۶ مینگ ۳۰۰ دن آرتیق کیشی یرهلنگن.
