لبنان ساغلیقنی سقلش وزیرلیگینینگ اعلام قیلیشیچه، اسرائیل آرقهلی اوشبو مملکتنینگ بیر قطار بولیملریگه اویوشتیریلگن اینگ ینگی هجوملر نتیجهسیده، کمیده ۱۴ کیشی اولیب و ۷ کیشی یرهلنگن.
اوشبو وزیرلیکنینگ کوپهیتیریشیچه، مذکور کیشیلر لبنان جنوبیده «صیدا» و «القطرانی» شهرلری همده «نبطیه» شهریده جایلشگن «الراهبات» محلهسیده، اسرائیل کوچلرینینگ اویوشتیرگن ایکی هوا هجومیده اولیب و یرهلنگن.
لبنان ساغلیقنی سقلش وزیرلیگیگه کوره، اسرائیل هجوملری قربانلری آرهسیده تورت ته باله هم شامل دیر.
اوشبو وزیرلیککه کوره، ۲-مارچ اسرائیل و حزبالله آرهسیده باشلنگن اوروش نتیجهسیده، حاضرگچه لبنانلیک ۸۲۶ کیشی اولیب، بیر مینگ ۹۰۰ دن آرتیق کیشی یرهلنگن و شونینگدیک ۸۳۱ مینگ کیشی آواره بولگن.
