قطر، مصر و امریکا قۉشمه ایالتلری، اسرائیل و حماس غزه‌ده آتیش کېسین برقرار اېتیلیشی و گروگه آلینگنلر قوییب یوباریلیشی اوچون کېلیشگنلرینی معلوم قیلگن.
رویترز آژانسی گه کوره، ۲۶-جدی، چهارشنبه کونی قطرده اسرائیل و حماس وکیللری آره‌سیده اوتکزیلگن مذاکره‌دن سۉنگ، غزه‌ده آتیش کېسین برقرار اېتیلیشی گه کېلیشیلگن.
معلومات‌لر اساسیده، بو کېلیشوونینگ اوچ باسقیچی بار بیرینچی باسقیچ‌ده، آلتی هفته‌لیک آتیش کېسین برقرار اېتیلیب و اوشبو مدت ایچیده اسرائیل حربی کوچلری استه-سکین غزه‌دن آرتگه چېکینیب و ۳۳ گروگه آلینگن اسرائیل‌لیک» فلسطین یشاوچیلری بیلن الشمتیریله‌دی.
بیزلرنینگ فیسبوک صحیفه‌میزگه باش اورینگ!
ایکّینچی باسقیچ‌ده، بوتون گروگه آلینگنلر قوییب یوباریلیشی، دایمی آتیش کېسین برقرار اېتیلیشی و اسرائیل اردوسی‌نینگ غزه‌دن بوتونلی آرتگه چېکیشینی شامل بوله‌دی.
غزه قیته قوریلیشی و گروگه آلینگنلرنینگ قالدیقلری قیتریلیشی، اوشبو کېلیشوونینگ اوچینچی باسقیچی گه کېره‌دی.
قطر باش وزیری محمد بن عبدالرحمان آل‌ثانی، بو کېلیشوو اسرائیل کابینه‌سی تامانیدن تصدیقلنگن حالده، کېله‌سی هفته یک‌شنبه کوندن عملی بولیشینی معلوم قیلگن. اوشبو کېلیشوو، بوگون اسرائیل کابینه‌سی تامانیدن تصدیقلنیشی کوتیله‌دی.
بیزلرنینگ «ایکس» ترماغی ده هم تعقیب قیلینگ!
امریکا، مصر و قطر واسطه‌چیلیگی بیلن اسرائیل و حماس اورته‌سیده غزه‌ده آتیش کېسین برقرار اېتیلیشی اوچون کېلیشوو، ایکّی تامان آره‌سیده نیچه آی مذاکره‌لردن کېین عملی بولگن.
برچه‌سی بیلن، فلسطین ساغلیق‌نی سقلش وزیرلیگی‌نینگ معلوماتی اساسیده، اسرائیل و حماس اورته‌سیده ۱۵ آی توقنشوو دوامیده ۴۶ مینگ ۷۰۷ فلسطین‌لیک قربان بولیب و باشقه ۱۱۰ مینگ ۲۶۵ کیشی یره‌لنگن. اوشبو مدت ایچیده اسرائیل قریب ۷۰۰ عسکرینی قولدن بیرگن.
