رویترز آژانسی نینگ گزارش بیریشیچه، اسپانیا ده یوز بیرگن سوو تاشقینلر نتیجه‌سیده، حاضرگچه ۲۲۰دن آرتیق کیشی قربان بولیب و قریب ۸۰ کیشی لادرک بولگن.
رویترز نینگ گزارشی اساسیده، قربانی‌لر رقمی‌دن کوپینچه‌سی بوندن آلدین اسپانیا اطراف-محیط وزیرلیگی آرقه‌لی سوو تاشقینلر یوز بیریشی خوفی آستیده قرار تاپگن شهرلر صفتیده تنلنگن ۱۴ شهر گه تیگیلشی دیر.
بیزلرنینگ «ایکس» ترماغی ده هم تعقیب قیلینگ!
ایتیلیشچه، مذکور سوو تاشقینلر عاقبتیده مینگلرچه یشش اوی بوزیلگن.
اوتگن کونی مینگلرچه کیشی، بحران و سونگی سوو تاشقین‌لرینی قنده‌ی باشقریب و آلدینی آلیش گه نسبت ناراضلیک بیلدیریش اوچون سرکلر گه چیققنلر.
محلی ییتکرمه‌لر نینگ گزارش بیریشلریچه، اسپانیا نینگ والنیسا منطقه‌سیده قریب ۲ مینگ عسکر قوتقریش و اختریش عملیاتی بیلن شغللنگن.
بیزلرنینگ فیسبوک صحیفه‌میزگه باش اورینگ!
ینگی‌لیکده، اسپانیا باش‌وزیری بو منطقه گه ۱۰ مینگ عسکر نینگ یوباریلیش بویروغی نی صادر قیلگن.
ایتیش کیره‌ک که، اوشبو سوو تاشقینلر جاری میلادی ییل ۲۹-اکتبر، والنسیا، کاستیا-لامانچا و اندلس شامل اسپانیا نینگ بیر قطار منطقه‌لریده بیر کون ایچیده بیر ییل کبی یاققن یامغیرلر نتیجه‌سیده یوز بیریب، کوپینچه جانی و مالی زیانلر گه سبب بولگن.
